شسوي عجميه !!

[انفال]

السلام عليكم
صارلي اليوم موقف وياليت كل واحد يعطينه رايه
اليوم رحت حفله تخرج انا ورفيجتي لوحده من صديقاتنا وقاعدين بالحفله ومالنا خلق تعرفون قايمين الصبح بس علشان رفيجتنا بنشوفها تخرج وطبعا هذى معجزه << قصتها طويله ماعلينا
لاحظت كل ماقالو اسم وحده عجميه نصفق للى نعرفه والى مانعرفه بدون شعور
واذا قالو من القبايل الثانيه مانصفق ولاحظت الشي هذا يتكرر وطالعت رفيجتي الى معاى بالحفله
وقلت لها احنا ليش انصفق للعجميات بس والباقي لا
وحتي بعد ماستوعبنا ما مااثر فينا ومانصفق ونلولش إلا للعجميات
شسوي عجميه

السؤال الى يطرح نفسه والى يطرحونه علينا دايما
صحيح احنا يالعجمان متعصبين ؟؟
دايما يقولون ان العجمان شايفين نفسهم ومتعصبين لقبيلتهم حيييييييييييييل هل هذا صحيح ؟؟ واذا كان صحيح تشوفونه عيب ؟؟
انا عن نفسي موقفى ماكان تعصب بالعكس كان فخر لنا يالعجمان واخذنا الحماس شوي

تحياتي