بسم الله الرحمن الرحيم
السلام عليكم...
ابيات اتمنى ان تحوز على رضاكم
يامحمد الحوفـان يـاراع الاصيلـه مادريـت=باني صويب(ن) بالعيون الناعسات ام الهـدب
ياصاحبي في بعدها اتعب وعمـري ماجنيـت=الا هموم(ن) راسياتـن بالحشـا ويـا التعـب
لامر طيفه فالمنـام افـرح ولامنـي صحيـت=اضيق واعاتب عيوني ليـه جددتـي الكـرب
تدري وش اللي يبكي العين الشقيّـه لا سليـت=قصـه طويلـه عشتهـا لكـن تاليهـا خـرب
وتدري وش اللي يردع العين السهيره لاتبيـت=ان الغرام اللي زرعته مـات باسبـاب العتـب
بالله يـازاه اللثـام ارفـق بحـال المستميـت=الي يشوف ان التعب لاجيت يصبح له طـرب
الجرح ينزف بالحشا والجرح منـه ماشفيـت=والحب شب الناروالحظ الـردي زاد الحطـب
ياما على شان الوفا في حب غيرك مارضيـت=لان القلـوب الوافيـه ماتاخـذ الحـب بلعـب
وياما على شان الغلا بعت الاوادم ثـم شريـت=شخص(ن) تركني بالزمن من دون لايبرر سبب
لاتحسب إني لامشيت ...ابلتفت لـك لامشيـت=عزيز نفسً لامشى ياتي تلفاته صعب
30-08-2010, 03:06 AM
العرض الشجري