والــــــــــلـــــــه وجــــــــابـــــــو مــــــــع

[عـآزمـي الـنـقـيـرهـ]

السلام عليكم ورحمة الله وبركاته


حبيت انقل لكم هاذي القصيده التي اعجبتني
إليكم



والله وجابوا لـي مـع الوقـت طاريـك
=مـل الصبـر وأنـا اتحـرى أتصالـك
مــا ذكـرونـي فـيـك مـانـي بنـاسـيـك
=دربك سـلام ودرب غيـرك مهالـك
وأن كان صدك يا فتى الجـود يغنيـك
=يغنيـك عـنـا يــا فـتـى حــر مـالـك
لا تنصـدم ويلاحـظـك مــن حوالـيـك
=هــذا جـوابـي كــان هــذا سـؤالــك
وشلون تنسانـي و أنـا أول مصافيـك
=والا بعـد مـا غبـت جـوك صفـالـك
وشلون ابيعك صبـح والليـل شاريـك
=وأنـا شريتـك ميـر غيـري شرالـك
واللي هرج لك عند غيرك هرج فيك
=يعنـي هـدم بيتـه بعـد مــا بـنـا لــك
وأنــا ودمـعـات المـحـبـه ومـاضـيـك
=نبكي على الفرقا ونرجـي وصالـك
أكثـرت يـا زيـن الوصـايـف تغلـيـك
=وصديت ماتـدري جميـع الغـلا لـك
شـف ويـن وداك الجـفـا لــو يحيـيـك
=شف وين راح اللي من الشوق جالك
راح وتبـع دربـك وضيـع خطـاويـك
=شافك بعيد وطـال هجـرك وطالـك
ومن طال وعيونـه مـن البعـد تبكيـك
=غمض وطاح الدمع يا طـول بالـك
فتـح عيونـه شــوق قـصـده يحاكـيـك
=ويـوم انتبـه واثـره يحاكـي خيـالـك
وأقفـى يبـي وصلـك وصوتـه يناديـك
=وهو مـع اسـراب المحبـه عنـا لـك
يـا قـو قلبـك يـوم بالـصـوت يدعـيـك
=وتقـول لـه يـا هـيـه مـالـي ومـالـك
رجيت مير اليـوم خـاب الرجـا فيـك
=مـا غـرك الـعـذال غــرك جمـالـك
رح لاتجـي يعنـي نسيـتـك ولا ابـيـك
=ما دام مـع غيـري زمانـك صفالـك

......الشاعر ....مجلاد العازمي.....

..........وسلامتكم.........؟؟؟؟