السلاااااااام عليكم
مساكم الله بالخير
هذه القصيدة للشاعر المتألق أحمد الناصر
أتمنى أن تحووووووووز على رضااكم
نهار سبعة عشر سبعة بتالي رجب
-_ياليتني ما دخلت السوق وانا اجنبي
العصر مريت يوم السبت سوف الذهب__
لقيت مخلوق لا هندي ولا مغربي
من شوفته ما لقيت الا السهر والتعب_
__صار السهر والتعب من شوفته مكسبي
اللبس لبس اجنبي والدم دم العرب
___زول ليا شافه الشايب يعود صبي
مكمل بالجمال وبالحسب والنسب__
قلت السلام وتبسم قال لي وش تبي
وليا تقربت من زين الحلايا هرب
واقول عطني الصراحة وانت ابو ما تبي
بغيت اعرفه وش اسمه مير ما الله كتب__
_يقول ابي سمعتي واخشى على مذهبي
تبين النور من خده علي واحتجب_
__يا الله عليك الخلف تخلف على اتعبي
انا قتيل العيون النجل سود الهدب_
__ذقت العنى والعذاب ولا حصل مطلبي
قلت ارحم اللي طواه الهم وانت السبب_
_قالت لعله يطاولك السهر بسببي
قلت الظليمة حرام بكل حشمة وادب
__قالت معي عين وصانا عليها النبي
انشد ولا يلحق النشاد لوم وعتب_
_ انا غريب وقضى مايي وقضى منهبي
انتي من اهل الكرك والدير ولا حلب_
__قالت يشيب الولد ما حصل اللي يبي
قلت انتي من السويد اهل الفرح والطرب_
__قالت بلاد العروبة رغبتي وطلبي
انتي من اهل الخليح مخلصين النشب_
__قالت من المسلمين وجد ابوي عربي
واللي يقول الهوى كله خطر ما كذب
__ قلت وعديني وعد بس اذكره وكذبي
قامت تعجب وقالت يا زمان العجب__
يا لايمه للغرام انا اشهد انك غبي
عليك رسم البدواة والزمان انقلب_
_ قالت عظامي ودمي واللحم وعصبي
انا من البدو كان الدم وصل الركب_
__يوم السلاح المفتل والرصاص حلبي
وسلامتكم
احمد الناصر الشايع
تحياااتي
ابو عيد
العرض الشجري