الفرق بين خالد الطاحوس وسعدون حماد

[حُـرّهـْ]

يا هلا دي كي

ثاني شغلـه كل واحد له حرية الانتقاد مثل مايبي لأن بالخير احنا ناخبين وكل ناخب له قناعه بنائب معين ولا من الممكن ان نفرض على احد شي

بالزبط

ثاني شغله سالفة اني ما انتقد بو مشعان لا اهني ولا بالشبكه الوطنيه اهم شي انج متابعتني

لاتطمني انتقد خالد انا وبالحيييل بعد بس مشكلتج اذا ماتشوفين هالشي

ايه متابعتك لدرجة اني وين مالقيت وجهي ولقيت اسم الطاحوس القى يوزرك صاحب الرد أو ترد على من طرا اسمه
وما شفتك انتقدته بيوم بس ماعليه بمشيها وبقول انك نفسنا تنتقد الطاحوس ولا تزعل بس

وبالاخير لاتقارنين انتقاد او اغلاط خالد بأغلاط النواب الباقيييين لأن مهمه قارنتي اغلاط خالد كالسكر تذوب بالمـاء صدقيني بحجم الرجل الي امامنا

هذا وصف ادري بتقولين بالغة في بس انا عندي دلائل استند عليـهـا

ياسلاااااااام .. صح لسانك ولا تعبت
طرى علي سعد الفرج لما كان يقول قوووويه قووووويه

انتي تقولين بكلامج وتردين وتعيدين وتزيدين محد عاجبج من نواب الدائره الخامسه كلش بتاتا ومافيهم ولا رجال سنـع

كلامج هذا اما يكون خيبت ظن بشخص او شخصين معينين وتبين تخلطين الحابل على النابل

مثل الي كلا سم ويبي يسمم العالم وياه

ممكن توضحين لنا شنو استندتي عليه انه مافي ( سنع بالدائره ) وشنو مواصفات السنع الي تبينهـا ؟؟

ايه نعم ان بغيت الصج .. محد عاجبني !
ولا هي خيبة ظن لا بشخص ولا بشخصين / وانا من البدايه ما كنت مؤيده لمخرجات فرعيتنا
وماكنت بعطي الصوت الا للطاحوس على فكره وبقناعه تامه
لكن لعبو براسي بيوم الانتخابات وخذتني الحميه وعطيتهم الاربعه ولعيون ابوي قبلهم
ولا خاب ظني ولا شي .. توقعاتي كانت بمحلها بالضبط !
لكن مع ذلك مااظلم دور النواب !
اللي بيوقف مع الحق بكون مؤيده له والعكس صحيح

انا احكم ع المواقف
وهذا اللي استند عليه بمواصفات السنع

بالنسبه حق الصواغ ونعم فيه بو سعود رجل وفحل ويشرف الدائره

والصيفي ظلمتييييه حيييل مع الخيل يا شقرا لو مع الخيل يا شقرا كان ما صار معارض والرجل صاحب اعمال حرررره وتتعطل مصالحه على احساب ان يكون مع الشعب

بو منصور رجل صاحب مبدء وكلمه حرام نقول عنه جذي مع الخيل يا شقرا جمله لا تلييييق في بو منصور

والنعم فيهم اثنينهم
وماعندي تعليق غير اللي قلته

ونأتي اخر شي حق خالد الطاحوس تقوليين احسن السيئي

هالرجل سنه اولى برلمان استجواب رئيس مجلس وزراء لأهل ام الهيمان

عطيني شنـــــــب وشنـــــب عريــض بعد سواها من تأسيس المجلس الى يومج هذا

ولله الي يقدم على مثل هذا الامر تأكدي تماما انه رجل بمعنى الكلمه وخير من يمثل الامـه بأسرها

خالد اسهمه بالدائره الخامسه والرابعه مشعلله بشكل جنوني ما تتخيلين الناس شلون تمدح في هذا الرجل وتثني عليه

وانتي اهني تقوليييين افضل السيئين عالعموم هذا رايج وانتي حره واذا جت الانتخابات لا تصوتين له صوتي حق السنع مالج ولله يهديج يارب

واحب اقولج انا لاني سكرتير ولا قالها الله انا ناخب حالي من حالج بس الشي الي يفرق بيني وبينج اني اشوف بعيني الثنتين ما افتح عين واسكر عين

يا اخي ودي انك تفهم شي واحد
ترى الانتقاد مو سب !
لازم تتقبل الرأي والرأي الآخر / وبالانتقاد انت تقوّم من سلوك نائبك اذا كان فيه ضمير حي
وبومشعان فيه الخير ان شاء الله لكن انا هذي نظرتي !

وبعدين شنو يعني سنه أولى برلمان وقدم استجواب لرئيس مجلس الوزراء
ماقدم الاستجواب الا بطلعة الروح ، من بعد أن أقسم عدة مرات !!
وتأجيل عشر ايام
لكن ماعليه !

وبعدين شفيييك
لهالدرجة معميتك افعال الطاحوس عن استجواب الدكتور فيصل المسلم لرئيس مجلس الوزراء ؟!!

وماعليه دامه يتبع مسلم البراك انا راضيه فيه وخل تشعلل اسهمه عليه بالعافيه

واذا كان فيه انتخابات جايه .. اذا !!
يحلها الف حلاّل ان شاء الله

لكن جرب تسكر عين وتفتح عين.. يمكن وقتها بتقدر تنتقد خالد الطاحوس وماتمثله كملاك مايخطي

انا مو ضد الطاحوس .. لكن ضد تبجيله بهالشكل !!

سلام