((ياعين)) جديدي

[حسين كرعل الوايلي]

اتواصل معكم بجديدي اتمنا ان ينال اعجابكم

ياعين يكفي مابقى للزعل داع =كفي دموعك وانسي الحزن كله

عمر البكى ماضمدجروح ووجاع=ولا كسب للنفس غير المذله


وعمر الحزن مارجع احباب ملتاع=لمي البقايا دمعت العين عله


انسي زمان(ن) فات وابدي من الساع=وابقي سند للي عزومه تشله


طبع القدر مايعرف اظروف ووضاع=يومه محدد في زمانه وحله


ماهو بشر لاطوق الليل به ضاع=يفقد طريق(ن) كان بامسه يدله


الوقت غربه والزمن يسبق الباع=من يغنم الفرصه ويحجز محله


يوم الحشر مايعرف اشباع واجياع=ولا يعرف افلوس تاجر وفله


نصيحتي للي مع الوقت جزاع=يحفظ كتاب الله قبل المجله

اخوكم الشاعر حسين كرعل الوايلي