قصيده التوبه

[ناصر العسكر]

السلام عليكم ورحمة الله وبركاته

هذه قصيده التوبه ..


اتمنى ان تنال على اعجابكم ..

.
.
.
.
.
بديت بذكر ربي في مقالي=أقول اللي من الخاطر أبالي
أسميها الوصاة لمن سمعها=لكم ولعامة كل الرجالي
الأوله اجتهد في طاعةالله=ترا الأيام تمضي بك عجالي
ثانيها الرسول اتبع طريقه=تفوز بسنته عذبٍ زلالي
ثالثها الصلاة وقل لنفسك=تراي أخطيت في عصرٍ مضى لي
رابعها زكاة المال عطها=بنفسٍ سمحتٍ فيها انبذالي
تراها تحفظه والحافظ الله=عن الإتلاف دقه والجلالي
خامسها الصيام وحج فرضك=إلى بيت تشد له الرحالي
سادسها الجهاد إن جا وجوبه=بنفسك أو بتسليم الريالي
طالك مثل ما طال الجماعه=لا تجزع تبي حملك ايشالي
سابعها القصير احفظ جواره=وعليك بحشمته في كل حالي
ثامنها إلى جا الضيف عاني=بعيد الدار منتزح الأهالي
فبده بالسلام وقل له أهلا=وشب الضو وأدن الدلالي
تاسعها تحرز من لسانك=هوالثعبان وأصدق في المقالي
لقيت الكذب عاقبته وخيمه=يعرضك الوعور من السهالي
عاشرها عدوك ما يودك=ترا قلبه عليك له اشتعالي
لو يعطيك لينٍ من لسانه=فهو مثل الحقود من الجمالي
تخير في المنازل قبل تنزل=ترا الجيران حل ٍوارتحالي
لا ترهى إلى وقت صفالك=ولا تقل ذا جمعي ومالي
ما لك من حلالك غير خرقه=يلفونها عليك بلا شلالي
حياتك تنقضي يوم وليله=ولو طولت في الدنيا حبالي
تفكر وين أبوك وين جدك=تشوف أديارهم منهم خوالي
تذكر وين خالك وين عمك=غدو ما فكهم كثر الحلالي
تحسب أنك بهالدنيا معمر=وأنت أموصفٍ مثل الظلالي
ما ينفعك إلا الي تقدم=مع التوحيد والمكسب حلالي
تخــيـر بـالمنازل قبل تنزل =تــرى الـــجيران حل وارتحالي
تخير مثل ما قال الــمــهـادي = ولا تــنــزل على بيت النمالي
ولا تــرهــي إلــى وقـت صفالك = ولا تـقـول ذا جــمــعـــي ومالي
تــراك تجـمـعـــه وهو لغيرك = أخـــاف إنـه عليك هو الوبالي
فــلا لــك مـن حلالك غير خرقه = يــلقــوها عــلــيـــك بلا شلالي
ولا تفرح إليا شفت السعادة =ولا تــجــزعـــك شدات الليالي
تــرى هــذا وهــذا لــك مــقــدر = فــلا تــكثر هـمومك والجدالي
الهي انني دست المعاصي=الى ما تبت قل يا ويل حالي
الهي لاتواخذني بذنبي=تراي امزاحم حملي الحالي
الهي عافني ثم اعف عني=وعفوك من عطاياك الجزالي
الهي انا عبد ذليل خاضع لك=لأنك والي كل الموالي
الهي ما رجاي إلا بعفوك=وأنا مستوجب منك النكالي
الهي لاتخيب فيك ظني=وسامح زلتي واقبل سؤالي
على ما قيل انا مصباح غيري=ولا سريت نفسي من اخبالي
ولو اني فاهم ماذاب فعلي=ولا طولت في الدنيا آمالي
لكن الجهل ما فيه حيله=وقولت ربما والا عسى لي
الى جبت الدوا ولا تداوو=ما ينفعك ترقيع السمالي
ترا كثر التحلي والتمني=يوردك السراب عن الهجالي
.
.
.
.

وسلامتكم