يسعد لي مسآكم
هذي قصيدة للشاعر خلف المشعان
من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها
حتى لو انك كنت .. صاحي .. ولمـــاح
أصحاب ( كيف الحال ) محدٍ .. بخنها
صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
يالله دخيلك .. كلـها .. شالت .. رماح
حتى الوغـد قام .. يتخمش رسنها
مات الحيا والمرجله .. دمها .. ساح
كلٍ كشف .. عن سوء نيه .. دفنها
دامه .. زمن حيه وعقرب ، وتمسـاح
خل الأسود .. اتنام .. ماهــو زمنها
قالولي انطح .. صيحة الصوت .. بصياح
واعزل احرام السالفه .. عن كـفنها
قلت الخساره بالردي .. عندي ارباح
. ومثلي .. يعلي هامته .. ماطـمنها
ترسي جبال طويق لا هــبت ارياح
وانا من اول .. ماخذ الراي .. منها
اقولها وانا .. تبسم .. ومـرتاح
شل الله .. لسان العــفون .. وبدنها
13-03-2010, 11:21 PM
العرض الشجري