هذه قصيده بين رجل وزوجته من أجاويد العرب ... قاستهم صروف الدهر وظروف الحياه ... وأولاد الحلال ... حتى سائت بهم الاقدار ... و فرقتهم بالطلاق ... وبعد فترة من الزمن أرسلت المراءه رساله لزوجها ....
فيها ثلاثه ابيات ... وتقول الزوجه للزوج ...
ياشوق انا مالي مـع النـاس مقعـاد=قفيـت عنـي ياعـذاب الجميـلـه
طاوعت فيك أهل الحكي يابن الاجواد=وأثرك غناتـي مـن عيـال القبيلـه
أربع سنين والنفـس ماتقبـل الـزاد=والحال من فرقاك صـارت أنحيلـه
وصلت الرساله للزوج فكتب هذه الأبيات ..،
ياونتـي ونــة ذلـيـل التـوعـاد=اللي وخـذ مالـه وصبّـح دخيلـه
قـوم سولـي يابجـاد دلـه وبـراد=عز الله انـك كاسـبٍ لـي جميلـه
وأقهر لي الفزّاز مـن بيـن الاذواد=ابـى اتعيـن فـي الكتـاب ودليلـه
والله ما اخفي عنـك مثقـال يابجـاد=والله ما اخفـي عنـك دق وجليلـه
جاني جـواب فيـه لـوم وتـوداد=من خل ردوه العـرب عـن خليلـه
ابديـت مـن فرقـاه كـل التوجـاد=وجـروح قلبـي يالمشـوح وبيلـه
أوجس همومٍ بالحشـا تسنـد إسنـاد=ومنهـو كمايـة فالعـرب عزتيلـه
واللي همومـه جـت توقـد توقـاد=ضاقت بي الدنيـا وصـارت قليلـه
قـدام ياشوقـي عـن البعـد نشـاد=وادرج تفاكيري علـى كـل حيلـه
واذكرك ياشوقي على كـل ميـراد=والقلـب عيّـا لايطـاوع عديـلـه
ذكرتكم مـع كـل هجعـه ومرقـاد=وافراقكـم مـرٍّ علـيـه وعيـلـه
وذكرت يوم اني علـى البيـر وراّد=يوم انـك تغطيـن وجهـك بشيلـه
واتقولين مالي يمكـم شـف ومّـراد=رح منت لي زوج ولا نـي حليلـه
من عقبهـا قفيـت صابـر وجـلاّد=مانـي مغيّـر عـزتـي بالذليـلـه
أجيك ما القى منك غيـر التصـداد=ابيـك عنـدي فالحصـون الظليلـه
ما ابيك تقعد مابين شامـت وحسـاد=في بيت ياجعـل المطـر مايخيلـه
وياشوق من يبدي على روس الاسهاد=لازم يقولـون العـرب فيـه ميلـه
اطروق تبديلي علـى غيـر ميعـاد=وطرقٍ سمعته كـل شاعـر يشيلـه
جاني سحاب مع ذرى الصبح منقـاد=مزنه تراكـم يـوم عديـت اخيلـه
سمعت لـه جضّـه وونـه ورعـاد=وارقبت لـه لكـن ماشفـت سيلـه
ياغيم عـود يـم صيتيـن الامجـاد=اللـي يـدارون النقـد والفشيـلـه
ترى مرض قلبي من العـام معتـاد=يالله يـاربـي تشـافـي غلـيـلـه
ويالله .. لاتشمـت بنـا كـل نقـاد=ياللي عليـك المتكـل .. وارتجيلـه
ودمتم
السؤدد
24-02-2005, 05:28 PM
العرض الشجري