يامرحبا يالشيب من يوم حليت

[عبـق أجدادي]

السلام عليكم ورحمة الله وبركاته













سبحان من جعل في الشيب حكمة

وجعله مؤشر ونذير للإنسان بأن هذه الدنيا دار ممر

وليست دار مقر ومستقر






مصيرنا إلى هذه المرحلة وقد إشتعل الرأس شيبا

ودار " شريط " الذكريات سريعا ً أمامنا ماذا عملنا وماذا إقترفنا

في عمرنا الماضي الذي قسمه الله لنا






أترككم مع هذه القصيدة الرائعة المليئة بالعظات والمعاني

والنصائح من شخص لم يكتبها إلا بعد أن جرب الدنيا واكتشف

أن مابها من بريق أيا ً كان لهو لمعان زائف سرعان ماينقضي







يقول الشيخ

الشيب شفته في المرايـه وصديـت=ماكنت أصـدق إن ذا الشيـب فيـه

أثر الزمن يطـوي رحالـه ووليـت=وراحت سنين العمـر وش هالبقيـه

من بعد شفت الشيب في الرأس حنيت=حنيـت لسنين ٍ تـوالـت علـيـه

سنيـن ذقنـا الـمـر فيهاتجنـيـت=وياكـم تكبدنـا صنـوف البلـيـه

وذقت الحلا في بعض منها وتهنيـت=مرت علي مـر الصبـح والعشيـه

وسنين ياكم تهـت فيهـا وتماديـت=مـا بيـن سـب وظلـم وإلاّ قفيـه

ويآكم تحملـت المعاصـي وجريـت=جريتها ومـثـيـل جر الـمـطـيـه

وسعيت في الدنيا وكم صبت وأخطيت=والّي مضى عالناس يمضـي عليـه

ودارت بي الدنيـا ولا يـوم ونيـت=وقضّيتهـا مابيـن شمس ٍ وفـيـه

يامرحبآ يالشيب مـن يـوم حليـت=تظهر علـى نفسـي أمـورا" غبيـه

يالشيب ما خوفت قلبـي ولا أحديـت=إلا مـواريـد بتـقـبـل جـلـيـه

أنت النذير الي على البـاب طليـت=ووصلت حدّ البـاب وش عـاد ليـه

ماعاد لي إلا التوبه إن كان أزكيـت=وسألت أنـا المولـى ورب البريـه

وقلت توبـي يانفـس قبـل ياليـت=ماعـاد ينفـع ليـت وقـت المنيـه

صومي وصلي ثم حجي إلى البيـت=وروحي إلى طيبـه ومسجـد نبيـه

وتزودي بالخير مـن بعـد ماأشقيـت=نفسا"تعـانـدنـي ونفسا"عـطـيـه

وإن عشت يانفسي من الخير جّنيـت=جّنيت لـي مجنـى الثمـار الهنيـه

يـا رب تغفر زلتـي يـوم زلـيـت=وإنـك تجنبنـي الزلـل والخطيـه

وعلى الرسول أزكى سلام وصليـت=إعـداد مـا هلـت مـزون النشيـه

اللهم صل ِ وسلم على الحبيب المصطفى

وعلى آله وصحبه أجمعين










تتواجد هذه القصيدة على موقع الـ " يوتيوب "

ينشدها أحد كبار السن بصوت جميل وشجي















بحفظ الرحمن