ابن مهمل وذيب المهان ..... اهداء للأخ الكريم ناصر بن مهذل

[طروش الموت]

جبت ذي القصة اهداء للأخ الكريم ناصر ال مهذل صاحب الاسلوب الراقي ............


================================================== =


هذي قصة بسيطة صارت في الوقت القريب بعد حكم السعودية وفيها نوع من الطرافه ونوع من الفخر بين

الشيخ / حسين بن علي بن محمد بن مهمل ال شنان الحبابي وبين الشيخ / ذيب المهان ال فطيح يام وعلى زمن امثال

هؤلاء الرجال كل منهم خصم للثاني لكن يقدرون بعض تقدير الشجاع للشجاع ....


المهم سنة من السنين نوى الشيخ / حسين بن علي زيارة مجلس احد امراء ال سعود وعلى ماأعتقد صاحب السمو الملكي

سلمان بن عبدالعزيز ال سعود والله اعلم المهم يوم دخل ابن مهمل وسلم وشيوخ نجد مايعرفون شيوخ الجنوب لعدم

درايتهم بهم ويوم دخل كان الشيخ / ذيب المهان موجود وشاف ابن مهمل وبينهم الطلايب والوقع الشين لكن كل منهم

يشح بالثاني فقال ذيب المهان : اقلط ياحسين اقلط ياشيخ قحطان في الجنوب اقلط


قال حسين اقعد في محلك يارجال قال المهان والله ان تجي هنا حول الامير المهم جلس ابن مهمل وشيوخ نجد متعجبين

من ذا الرجال اللي خذا صدر المجلس وسألوا وعرفوه .... وذيب المهان كان جالس جنب ابن مهمل وقاله : والله ياحسين

ياأكثر واحد في المجلس يبغى موتك انه انا لكن أبغي يدرون ان في ذا الجبال وذا الجنوب شيخان ورجال .... ضحك

ابن مهمل ....



وهذا يدل على طيب مجناهم فالله يرحمهم جميع كانوا خصما لكن كلن يشح بالثاني .....