دحول السبسب(بالصور)

[فيصل بن حجرف]

السلام عليكم ورحمة الله وبركاتة

قبل اسبوع كنت في الوادي وقلت لازم امر دحول السبسب واصوره لكم وهو عبارة عن ثلاث دحول كل وحد يبعد عن الثني عشر امتار تقريبا ولكن عشان تدخل من الجنوبي وتطلع من الشمالي يبيلك حوالي ساعه الى ساعه ونص تقريبا
والمخرج مع الشمالي لازم بحبال اما الجنوبي فهو سهل
(للمعلومية: السبسب هضبه كبيرة فيها فياض كثيرة تقع غرب حنيذ 30 كيلو تقريبا)
وهذي بعض الصور




هذا الدحل الجنوبي وهو اللي فيه المدخل






وهذا الدحل اللي بالنص






وهذا الشمالي





هذا مدخل الدحل الجنوبي وفيه واحد جزاه الله خير مسوي مثل الدرج بسمنت






وفي هذي الصورة يبين بطن الدحل اول ماتدخل له وهو مثل الغرفة,, طبعا النور من فلاش الكامرة





هذي الفتحه اللي تودي الى الدحول الثانية ويبين في الصور واحد من الشباب داخل الفتحه هذي,, واخطر شي فيها انه بعد كم متر فيه حفره عميقه لازم الواحد يعديها عشان يكمل ,, بس فيه اجانب يجون كل ويك اند تقريبا وحطوا حبال داخل الدحل مثبته على الجوانب تساعدهم على المشي داخل الدحل







هذي نفس الفتحة اللي فوق ولكن صورتها من داخل






نفس الفتحه ولكن مصورها من بطن الدحل ومبين مدخلها وماكان معانا بجلي ولا اي ليت وحاولو الشباب يستخدمون الولاعات





هذي فتحه ثانيه في الدحل وانا مادخلتها ولكن واحد من الشباب قال انها صعبه شوي لان الواحد يظطر انه يحبي داخلها عشان يكمل





وهذي صورة ثانيه لبطن الدحل





صورة اخرى في بطن الدحل



ارجو ان تحوز الصور على اعجابكم