السلام عليكم ورحمة الله وبركاته
رائعه للشاعر : مناحي بن فهد بن احماده آل ناجعه ،،
ونقلتها لكم وأرجوا بأن ترتقي 
/
.
.
.
صباح الخير يأول من طرالي مع صباح الخير=عبـر طيفـك علـي وقلتلـه ياسيـد اطيافـي
ذكرتك قبل نسمات الصباح وقبل صوت الطيـر=واكيد الطيف هو اللي مصحينـي وانـا غافـي
هلا ياطيـف منهـو حدنـي للشعـر والتعبيـر=وجعل حبر القلم فوق الدفاتر يرعـف ارعافـي
ليا مني تذكرتـك نخيـت الشعـر والتحضيـر=وسليت المشاعر مـن خفوقـي واعتـزا قافـي
ورسمتك في قصيدي لوحة ماصورت تصويـر=لها من كل انـواع الفنـون اشكـال واصنافـي
وكتبتك باصدق اقلامي حكايـه مالهـا تفسيـر=وانا الكاتب . عجزت القى لها مضمون ينشافي
صحيح انك بعيد ولاكن اللي بالضمايـر غيـر=وانا ماودي اكشف لك عن اللي بالشـا خافـي
ابيك تشوف بعيونـك ابيـك تحـس بالتقديـر=ابيك تقول هذا اللي وطى جمري وهو حافـي؟
تعال. . ومد حبل الوصل ماله داعي التقصيـر=تقاسمنا الهجر من بيننا واللـي حصـل كافـي
تعال ادلعك واخلي اللي مـا يصيـر . يصيـر=واصف من الثريا عقد يسكن عنقـك الصافـي
واسلمك الخفوق اللي رفض ينصاع لرضى الغير=ولاكن . هاك. تستاهل خفـوق لاعشـق يافـي
وانا باقي على وعدك وعهدك وارفض التغييـر=مدام اطيافـك العذبـه تصحينـي وانـا غافـي
وسلامتكم
13-10-2009, 05:00 PM
العرض الشجري