السلام عليكم ورحمة الله وبركاته
هذه قصيده فالفحل (الكايد) وابل سعود بن سلمان بن احماده ،،،
وعسى أن نوفّق ،،،
.
.
الفحل يستاهلـه مـن كـان جابـه=مرخصن فيـه الملاييـن الكثيـره
اسمه الكايـد وكـذب مـن حكابـه=تايـه ن ضايـع ولا دلـه شويـره
الاصل رمـان كـل ن قـد درابـه=والوصايـف ماتحصلهـا بغـيـره
ان نطحته قلت شيخ ن لـه مهابـه=طافح ن ماطالـع القـاع بمسيـره
حاكم ن يلقي على شعبـه خطابـه=بين حشد مـن الجماهيـر الغفيـره
راس هرش ولا بعـد شلـع بنابـه=الله يعديـه نضـرات ن شـريـره
وامهاتـه وصفهـن مابـه طلابـه=ماتوصفهـا العقـول المستنـيـره
لاقبلت كنها بروق ن فـي سحابـه=ولادبرت ماشفت لك فيهـا معيـره
طافحـات ن يطلبـن الله ثـوابـه=نايفـات ن كنهـا بـرج الجميـره
بينهـن ولـف وطبايعهـن تشابـه=كن وصف الاولـه مثـل الاخيـره
وان زعج بالصوت راعيها تهابـه=واقبلت مثـل الرحـاه المستديـره
قلت تنهـش مـن ترايبهـا الذيابـه=سمعت الصيحه وجاتـك مستذيـره
تنهب يديهـا مـع الممشـى نهابـه=كنها تنـس مـن القـاع السعيـره
عند ابـو سلمـان مافيهـا غرابـه=يتبع النامـوس مـن ديـره لديـره
مايحسـب لفايـت الدنيـا حسابـه=يوم ولد الـلاش حاسبهـا ذخيـره
السخـا والجـود فالدنيـا زهابـه=طيب ساس وطيب ذات وطيب سيره
الـــشـــاعـــر / مناحي بن فهد بن احماده ،،،
03-10-2009, 11:25 AM
العرض الشجري