قصيدة غزلية للشاعر محمد بن عرهب الشـــــلوي في عشيقته

[الحارثي]

بسم الله الرحمن الرحيم

السلام عليكم ورحمة الله وبركاته
هذه قصيده الشاعر محمد بن عرهب الشلوي فى عشيقته وقد تعرف عليها عند ديارهم عند بئر ماء واحبهاا على النقى وبعد ذلك ارتحلوا قيل انها لنجد او للكويت فثمثل بهذه الابيات ....

العيد جانا والعرب تلعـب الطـار=والعين تلعب بالدمـوع الذواريـف
ياصاحبي عنـي تنـوى بمحـدار=شان البلد عقبه ولاناسـب الكيـف
حقي عليه العذب ما يقصر الشـار=هذي وصول الود ياهل المعاريف
وحقه عليه في العرب عنه ما اختار=لو ليمـوا كـل القبائـل بتوليـف
سيقانه فى طرح دراريح الابيـار=تحت المحال وفوق قفٍ مهاييـف
وياللى تجونه فوق نسـاع الازوار=رفح العضود مبعـدات المناكييـف
ساعه تجونه رد منـي بالاخبـار=يعطي كلام الصدق مافيه تزييـف
ان كان جاه الموت قصاف الاعمار=عساه للجنـه حٍِِِسيـن التواصيـف
عساه ما يعرض على لاهب النـار=نهار يوقـف للتحاسيـب توقيـف
مع ذاه وان عدى على الشغل بيطار=عبّرعلى اللى يشغلـن الشوانيـف
والشط شط حـوارٍ للبـر مشكـار=سبع طرقات الثوب فوقه لياحييـف
والعين عين كحاله حطم الامهـار=بالصور ما طالوا عليها الحواويف
زين الدلول ولا يغثى على الجـار=ولاشاغب الرجال عند المصاريف

وسلامتكم ..
بعض المعانى
الشوانيف -مزود للاكل
المحال -الحجر على الابار
الحواويف- اصحاب السواليف
__________________