وشلون أصدق فلسفة الأحلام وأعطيها الأمان °• !!

[موادعك خيره..!]

بسم الله الرحمن الرحيم



السلام عليكم ورحمة الله وبركاته


صباح الخير .. مساء الخير ..



جازت لي وإن شاء الله تجوز لكم ..!



صـــلوا عـ النـبي ..




تشبعت نفسي من الصكات والوقت إمتحان °•
والحمد للي بأمره المسلم يظل ويهتدي °•
ياكثر ماني بأتعزز وأجحد طعون الزمان °•
اللي بعضها ينقض جروحي ويحداها حدي °•
ما الله خلقني للظنون اللي مسامرها هوان °•
بأموت يا خدي ما عنزتك على راحة يدي °•
لو كان حزني في زوايا القلب ماخذ له مكان °•
والدمع يحرمي ملذة ما يحل لمرقدي °•
لا بارك الله فالهبوب اللي تغانمني عشان؟ °•
أبيح شيي لو عرضته للعرب طاح إجهدي °•
لكن هبي دام راسي له مع أهل الشان شان °•
إعصير توّه منتهي! والليل توّه مبتدي °•
أبكرب إحزامي وأعصب الراس وأعن الحصان °•
وبهد ليلي شرّد إطعونه على البيد إتعدي °•
أنا سمحت ومملكة الأحلام ما تعطي ضمان °•
لا صار شفي سرمدي والحلم ليل سرمدي °•
وشلون أصدق فلسفة الأحلام وأعطيها الأمان °•
والوقت بالصوت إيحدي وأنا على الصوت إحدي °•
غنى يموت المرء في عز ولا ذل يهان °•
وغنيت له حسبي على الايام والحظ الردي °•
أنا بشر وأحس وإحساسي شعوره شي ثان °•
وأحب وأكره وأبذل ليومي ولا أهتم لغدي °•
وأعشق هوى الغربي وذب الصوت في علو البيان °•
والذود والمرباع والمرقاب والسير إوحدي °•
وأهيم فالروض الخضر والماء والعود الليان °•
وأرسم طموحي وأبني أمالي على سطح الجدي °•
شاعر وتفسير الخيال أمر من مسّ البطان °•
وأخاف يجرفني شعور ما يفسّر وأغدي! °•
يا صاحبي لا عاد تقصاني ترى اللي كان كان °•
لا تجرح إشعوري وأنا من جور الأيام إمحدي °•
بذلت مجهودي وبار الحظ في جهدي وخان °•
ولا كل من يجهد يصيب ولا على المجهد فدى °•
هانت وأنا ماني بلوم النفس لا فات الأوان °•
أما وصلت لمقصدي! لابد ما أوصل مقصدي °•
وإلا إنت يغلبك الشعور ورقة إحساس الحنان °•
وأقصى طموحك وردة حمراء وتي شيرت وبدي! °•
غاوي وتلعبّك هبوب النود لعب الخيزران °•
وإمنين ما هب ميلت يالغصن الندي °•




للشاعر فالح بن قشعم ..