توضيح بسيط لشخصية مضروب

[بدر الساخر]

السلام عليكم ورحمة الله وبركاتة

التوضيح او الاعتراف الي بذكره هنا ..يمكن ما يهم الكثير من اعضاء المنتدى

قليل تقريباً الي راح يذكر !

الي متأكد انهم ما نسوه هم :

عبق اجدادي .. راكان الفارس .. وردة العجمان.. الوفاء ..انتحار (الي انتحر خلاص)..ويمكن غيرهم

انا زي ما ذكرت قبل .. كنت اشارك في المنتدى من ثلاث سنوات مضت او اكثر ..لكن :

بمعرف مختلف وشخصية مختلفة عن مضروب 100 % ..
وهذا سبب ان محد قدر يتعرف على شخصيتي..
وكنت متعمد..ابي اشوف احد يقدر يكتشف الشي هذا.كنت متوقع (عبق اجدادي) .لكن :

الضاهر انه ما انتبه او ما ركز ... لانه كان اكثر متابع لمقالاتي القديمه !

انا راح ابين اسم المعرف القديم وابي اشوف ردة الفعل

اذا احد يعرف هالشخصية وما ذكرت اسمه ..يا ليت يقوللي انه يذكر هالمعرف

بس قبل :

بصراحة انا كنت مختار (مضروب على قلبه) بس غيرتها في اللحضة الاخيرة الى ( على عينه)

والسبب خاص يرجع الى امور استراتيجية

اسلوب مضروب (هو) آخر اساليبي الكتابية المبتكرة .. اسلوب ساخر

ومن الملاحظ اني نجحت فيه اكثر من اي اسلوب ثاني !

رحلة قلم : كانت بإسلوب ساخر بحت

في ضيافتنا : اعتمدت الإسلوب الفلسفي

المعرف القديم : كان بإسلوب فلسفي علمي ..وهو اعتبره اجمل اساليبي الكتابية ..لكن :

احسه فشل في جذب الناس إليه ..والسبب ان الناس ملة من الحقيقة والاسلوب الدارج

مضروب .. كان الحل بإسلوبه المبتكر الظريف ..
و جمعت فيه الفلسفة والمقالات العلميه ودمجتهم بإسلوب ساخر يشد القارئ مهما كان توجهه !

وبلغة يفهمها الجميع .. سواء متعلم او جاهل !

الحقيقة :

تلقيت عروض عديدة للكتابة في مواقع صحفية اكترونية ومنتيدات مشهورة كثير ..آخرها :

دعوة من رئيس منتدى (الساخر) .. ودعوة اخرى من الاخ (نايف نجد) مدير موقع (حارة المساطيل)

ومنتديات أخرى كثيرة .. بعضها نزلت فيها مقال واحد بس ! ..

كان منها مقال واحد انتشر في السعودية وحتى انه صار ينسب لناس غيري مع بعض التغيير

وهو مقال ( مملكة الصبّة والتحويلات) .. وكنت فيه اتطرق قضية الحواجز الاسمنتية المنتشرة في
البلد..ولي سببت حوادث كثير و وفيات اكثر من قضية الارهاب والتفجيرات..والتحويلات الي ما تنتهي

.....

وكل هالعروض صارت في فترة بسيطة واهي بداية (مضروب) فشاركت بمقالات بسيطة بكذا منتدى
من باب التجربة فقط .. وبعد ما حددت توجهي .. رجعت لمنتدى العجمان ..بين هلي وربعي الي
حقهم اوجب علي من اي منتدى ثاني !

ورفضت كل هالعروض لسبب واحد .. انني كاتب هاوي لا احب الإلتزام..ولدي مشاريعي الخاصة ! ..

واذا كان عندي وقت .. راح استثمره فقط في الكتابة ..هنا : في منتدى العجمان

واذا فيه احد يهمني امره فهو ربعي وبني عمي الي افديهم بروحي وبسخر كل افكاري الادبية
مستقبلاً في خدمة منتدى (العجمان)..وامنيتي اني اشوف كل شاب عجمي مثقف وراعي دين

بعد هالإعتراف البسيط ... راح اغيب شوي

ومع رمضان ان شاء الله راح يكون مشاركتي لا تتعدى الخيمة (الرمضانية) ..وموضوع(رمضانيات)

وفيه راح اركز بإسلوب ساخر على العادات السيئة في الشهر الفضيل !

.....

في النهاية اشكر كل من تابع ويتابع كتاباتي..
ولولاكم والله ما اجتهدة بكتابة حرف واحد لا من قبل ولا الحين !

واذا احد في خاطره شئ ولا مو معجبه شي في شخصيتي يا ليت يواجهني ولا يستحي

واقبل النقد سواء عام او في الخاص .. ومنكم ومن ارائكم انا احسن مستواي وطور نفسي


تحياتي للجميع بدون استثناء

....

نسيت اذكر معرفي القديم

إلي ما يعرفه ويهمه يعرف تقدرون تسألون اي واحد من الاسماء الي ذكرتها فوق

انا

.
.
.
.
.
.
.
.
.
.
.
.
.
.
.
.
.
.
.
.
.
.



(AgMi.cOm)