أجي له وأنا مهبول / وأقفي وأنا مهبـول=ومن دون شوفه ويلي / ويابـري حالـي

[جطلي بن فهد]

سلااااام

تهب الهبايب والسنيـن العجـاف تـزول=وأنا لي شهور أستسقي لروحي الوالـي
ظميت ونشف قلبي وقد ذي عيوني حـول=وأنا كل همّي قطرة ٍ مـن سمـا غالـي
عليه العيون ولا تبـي غيـر زولـه زول=فديته .. جعل زوله بعـد كـل الأزوالـي
تربع على عرش المقاويس عرض وطول=ولا عاد خـلّا للبشـر مـن هـوا بالـي
تمرّد ومرّدني معه لين رحـت آآآقـول :=مفاتيح عقلـي راحـت مقابـل إهبالـي
أجي له وأنا مهبول / وأقفي وأنا مهبـول=ومن دون شوفه ويلي / ويابـري حالـي
بحر / والله إن مكنون غبّة غرامه لـول=سحر/ والله إن مـارد حلايـاه يبرالـي
دهر/ وإنشدوا يابس عروقي من المسؤول=نهر / وإنشدوا دلوي وثقله على حبالـي
هنيّ العيون إن زال قيـده وقـام يجـول=ولاحت بروقه وأمطـرت ريقـه الحالـي