ياليت ماكان ابه حباً ولافرقاء =ولاهواً دايماً مابعده افراقي

[فهيد السميري السبيعي]

ياليت ماكان ابه حباً ولا فرقاء =ولا هواً دايمـاً مابعـدة افراقـي

وعزي القلباً تولع في هوى الطرقاء =تقضي على فطنته ودمـر الباقـي

ماضيع الطير مثل معانق البرقـاء =الى رمقله بعيد الطلـع رماقـي

لو عدة الغيم عدى يمها يرقاء =صامل هدد وانصرم من كل الاعماقـي

صامل ونفسه عليها تحترق حرقـاء =اسبق من البرق يوم يلوح براقـي

ويانوح قلبي عليها نوحة الورقـاء =ورقاً على غصن سدراً علة الساقي

ام الهناديب وام الطـوق والزرقـاء =لو سمعها من سكر من سكرته فاقـي

سرق فؤادي وقلبـي حارقـه حرقـاء =في ذمتي لابعد في غالي نياقـي

اشفق عليها مثل مايشفـق الغرقـاء =غريق موجاً رمابه تحت الاطباقـي

يبغا سبب لنجاة وفارقـه فرقـاء =والموت شافه بعينه وسط الاحداقي

هذاك وجدة مثل وجدي على الطرقـاء =اللي هواها بدم القلـب منساقـي

وسم فوؤادي وكبدي فوقهـا عرقـاء =لامر طيفه يفز القلب مشتاقـي

فهيد السبيعي