أول مشارك وأبدها بقصيده للكاسر ياسر

[ابوجواد]

تحيه عطرة مفعم بالود والإحترام والتقدير لكل رياضي وكل مشارك وكل مشاهد

هذه أول مشاركاتي وأتمنى أتساع صدوركم لي

كثر في الأيام الماضيه الكلام والضن والتشفي بإنسان مسلم يشهد أن لا أله ألا الله وأن محمد صالى الله عليه وسلام عبده ورسوله لماذا لإنه ( ينافسنا ) في الملعب كانت الرياضه متعه وقلبناها نقمه بل قنبله ومشاركتي بعد إطالتي قصيده قرأتها وحبيت المشاركه بها في أول مشاركاتي وهي :
القصيدة

تكرم عن العيبة ويكرم شاربك يابوسعيد
يبطون ياوجة محلف ربع النمايم والكلام


ماني هلالي لا ولا ضد النصر وإلا العميد
يامي وتاخذني الحميا للقحاطين الحشام


من روس قوم مالها في (قال زايد قال زيد)
فينا عقول تميز الشاهين من فرخ النعام


حتى لو إن العلم صدق أقولها عبر القصيد
كبوة جواد وكلنا نخطي ياعمي والسلام


لا منت بالأول ولا الآخر ولا أنت الوحيد
كل آدمي يخطي ويتعلم عدا خير الأنام


الواجب نوقف مع المخطي ولا نقعد نعيد
أخطاءة ونقعد نشهر به ونكسب بة أثام


يعني نسو (القناص) يومه للبلد دايم يصيد
قدمت لبلادك فرح وامجاد يا راعي السهام


يا(ياسر) الموضوع ماهو (منهو إللي مستفيد؟)
ولاهي بقصة رياضة أو تصاريح وملام


السالفة وشلون ينسى المسلم العلم الأكيد
بأن دم المسلم المؤمن على المسلم حرام


تناقلوا هالسالفة عبر المواقع والبريد
كلن يزيد شوي من عنده ويرسلها قيام


أنجاس يجري في عروق أجسامهم قيح وصديد
هذي وصوف إللي يدنس عرض عالين المقام


تكرم وتكرم لابتك قحطان والمجد التليد
يشهد بأنكم ياولاد مظيم قوم(ن) ماتظام


العز منكم زاد عز وفي ذراكم يستزيد
ما الله خلق فيكم سفية ولا جبان ولا هلام


قل (حسبي الله) واترك الباقي على رب العبيد
وإسلم وسلم لي على ربعك بإسم صبيان يام