يــــوم جـــاء منــــدوب راكــــان ونخــــانا=جــــاوا ربعـــي وبطشــــوا في كل حــله

[العز بالسيف]

بسم الله الرحمن الرحيم

:
:
:
:
:
:
:
:


السلام عليكم ورحمة الله وبركاته

قصيـــــــــــــــــــــدة أشهر من نار على علم
للشـــــاعر الكبير : ســـالم بن جخيـــــــــر العـــــــرجاني
سأنقلها لكم وأتمنى أن تحوز على رضاكم..!!

الـولا لله ومـن بعـده ولانـا=للرجال اللي لهم مذهـب وملـه
والرجاء باللي له نوجـه رجانـا=الإلـه اللـي يظللـنـا بظـلـه
عَزّنا وارهى علينـا واصطفانـا=لين قمنا نعقـد الحبـل ونحلـه
ياقصيـدي لازهمتـك لاتـوانـا=وكل شيٍ زين لامن جـاء بحلـه
فـز لامنـه غشانـا ماغشانـا=والغزل خله إليا من قلـت خلـه
ابغي راع النقـد لامنـه قرانـا=يبصم بعشره على صدر المجلـه
والله اني مانسجـم ولااتهانـا=كون لاشفت الوجيه المسفهلـه
والـردي مانيـب وايـاه انتدانـا=اترفع عـن مناهيجـه ودلـه
ودعوة الطيـب إليا منـه دعانـا=من غلاه وحشمته ناتي محلـه
مانشكك في غلاه وفـي غلانـا=بين عز وبين كيف وبيـن فلـه
إن تغيبنـا حظـر عنـا نبـانـا=وان حظرنا كيفنـا فنجـال دلـه
وان حدانا الوقـت ولا ماحدانـا=ماخلقـنـا للهوان وللـمـذلـه
من عوايدنا مانطعـن فخويانـا=ندمـح الزلـه ولا ناتي بزلـه
لابـدا الـلازم يكفينـا حـدانـا=ويعتبر لابـه ودولـه مستقلـه
ولا بغت بنت الشرف تبحث خفانا=وقفـت قدامنـا والشعـر هلـه
انفحي يابنت وانتي فـي ذرانـا=واعتزي ويصيبنا خفـه وخلـه
اعتزي فينا ونبطش في اعدانـا=وسعد من حن فالملاقى عزوةٍ له
يوم جاء مندوب راكـان ونخانـا=جاوا ربعي وابطشوا في كل حله
لاح برق العز فالصلب وشعانـا=وأمطرت غر المزون المستهلـه
من قلاعتنا ومن طيب اعقدانـا=لابغينـا الشـي لازم نستحلـه
إننا قــومٌ إذا دارت رحـانـا=تطحن اللي ماانطحن دقه وجلـه
ماخلـق منهـو يلحّقنـا مدانـا=رسخوها فالعقـول وفالسجلـه
هكذا فزعاتنـا تسبـق اخطانـا=وكل يامي لازهمته جـاك كلـه

وســــــــــــلامتكم