فيصل بن سلطان الدويش . ورثاء مطير له

[فارس الصعران]

بسم الله الرحمن الرحيم

السلام عليكم ورحمة الله وبركاته

يسرني ان اقدم اول موضوع لي في منتدى العجمان العريق واتمنى رضا الجميع .

بعد الاحداث التي جرت لقبيلة مطير ووفاة شيخها فيصل بن سلطان الدويش رحمه الله قال الشاعر معدي الزعبوط الديحاني :


الله من قلب من الضيـق مشحـون
مثل الصميل الى انشحن وانتثر مـاه

ايضا وعيني دمعهـا غـرق النـون
وعزي لمن صار البكا راس جدواه

بكيت مثـل اللـي مقلـن ومديـون
باع الحلال وباقي الدين مـا وفـاه

أذكر مطير اللي لهـم فـن وفنـون
سكن الخلا لوهو مخافـه ومضمـاه

ذكرت دوشان على العلم يمضـون
حماية الصمـان مـن كـل مجهـاه

اللـي ليـا قالـوا جـواب يتمـون
قولن وكيـد وكـل الامـات تـدراه

واصل مخليت الحرابـه يجضـون
حوفان وظفورن على الخيل وعصاه

الى اوحيتهم وسط المجالس يهرجون
قالوا هـذا غـاره وهـذا هجدنـاه

وهذا صباح يـوم الامـه يصلـون
يومن كل (ن) باحسن الحمد يقـراه

واذكر حصان حد وهمـه يشوفـون
والكل منهم ذل مـن مثـل ماجـاه

نحاز الحريب الي كبا كل ممهـون
يقدى جموع وتورد السـوء يمنـاه

شيخن على صفق الاجانيب مفتـون
يا بعـد صفقاتـه للاجانيـب بعـداه

الى شاف لمات العرب تقل مجنـون
يصفـق هـذولا ثـم لـد لهـذولاه

من جيلنا التالي الى جيـل هـارون
والله ماشيخـن يـسـوي سـوايـاه

مطيـر عقبـه هقوتـي مايعيشـون
من بان راس الذل من قطـع علبـاه

ياليتهـم عقبـه بنـقـره يمـوتـون
الموت اخير مـن الحيـاة المهبـاه

وفي الشيخ فيصل بن سلطان قال الذيب الحربي قصيدة منها:

وين انت ياللي من طنى الشيخ طنيان ... بيّن براسك والم لك ورادي
قاف زبون الحرد ******** الاضعان ... ولد الدويش اللي يجر البوادي
فرخ القطامي مايبيّع بالاثمان ... اشقر مخاليبه تقص الثنادي
في ساحته مايمرح الورع قيّان ... البن يحمس والمنادي ينادي
وصينية تلقى بها روس خرفان ... وتلقى بها ناب السنام السنادي
وانشد فياض العجز كان انت جزعان ... اما سكتنا عنك والا انت غادي
خمسة عشر بيرق على راس قحزان ... الجيش غير الخيل ماله ملادي
من غب كونه مرتكلّه بصيوان ... الخمس يخمس في نهار وكادي


وفي حديث للشاعر والراوي المعروف محمد بن جازع بن دلّه الصهيبي المطيري عن فالح بن حزام الصهيبي قال: كنا عند سمو الأمير سعود الكبير آل سعود في قصره بالرياض, وذهبنا معه نحن الخويا آل سفران من العجمان أربعة, ونايف الطويل من عتيبة, وانا يافالح بن حزام, وندخل معه في مقبرة العود وينزل ونحن خلفه فقال: سلام عليك ياجدي فيصل, سلام عليك ياجدي تركي, سلام عليك ياعمي عبدالرحمن, وإذا بقبرٍ جديد, وهويذهب إليه ويقف عنده ونحن نتبعه فقال: سلام عليك يافيصل. اللهم وهو يلتفت إليّ فقال: هذا عزكم يامطير, فقلت له: من صاحب هذا القبرياطويل العمر؟ فقال : ولد خالتي فيصل الدويش مات البارحة.

وقف الشاعر المشهور حنيف بن سعيدان على قصر الدويش بالارطاوية بعد وفاة فيصل الدويش رحمهما الله وقال:

يامزنة(ن) غرا تقافت لها ضـوح
تبرق وترعد ليـن هلـت مطرهـا
مار أقمحي ياديرة(ن) مابها نـوح
طفى السراج وغاب عنها قمرهـا
يوم أن فيصل فيك ماجاك سامـوح
كل الأفاعي سالمه مـن خطرهـا
يقفي ويقبل دام بالـروح لـه روح
زيزوم غلبـا يـوم ثـور كترهـا
وحنا مطير اليا حضرنا حضر نوح
عاداتنا غدى بهـا مـن حضرهـا

رحم الله الشيخ فيصل الدويش واسكنه فسيح جناته .

وسلامتكم .