جديد بن فطيس قصيدة المرموم

[تركي المري]

الليلـة اللـي كـل عيـن احترتهـا=فـي ديـرة كـل المكـارم حوتهـا
حمدان حاضر والشرف في حضوره=دبـي فـي ظلـه تقيـم أمسيتـهـا
عن أذنكـم بنطيـر خمسـة دقايـق=على جميع النـاس ربـط أحزمتهـا
بنطيـر للمـرمـوم روحــه وردة=الأمسيـة فـي دورتـه دايرتـهـا
الأمسيـة شوطـاً بمضمـار ليلـي=سمـا دبـي عبـر الهـوا ناقلتهـا
والشوط شوط أبداع ما هـو تحـدي=إبكـارنـا تصفيقـكـم جايزتـهـا
ذا الليل سـت مضمريـاً دواهـي=أبياتهـم نصـف العـرب حافظتهـا
تاريخهـم حافـل وكلاً يعـرفـه=إبكارهـم الأتيـام قــد كسرتـهـا
إبكارهـم خيـرة ركـاب الجزيـرة=كم جايزة شـوطاً رئيسـي خذتهـا
وأنـا ذلولـي جاهـزة ومعـروفـة=صوغان إبيهـا والعـرب خابرتهـا
من شوطها راعي السبـوق يتوخـر=لا روحت معهـا السبـوق أفشلتهـا
راعي السبوق إلى أنتهى الشوط محق=ياجعل أبيها النـار ويـش أمحقتهـا
وأنا ذلولـي لـو تطـول المسافـة=لاتختلـف ولا تعـيـل أنسمتـهـا
لا كملـت عشـر الكيالـو وجاتـك=وصلت تحسـك ماتشـوف أزبدتهـا
رصيدهـا بيـرق ومليـون درهـم=شف زعفـران أبوظبـي برقبتهـا
في شاعرالمليون صالـت وجالـت=واللجنة بمـرأى الجميـع أنصفتهـا
قـد جملـت دولـة وربـع وقبايـل=يوم أن صعبـات المواقـف نختهـا
جمهورهـا مـن كـل دار وقبيلـة=الباديـة والحـاضـرة شجعتـهـا
شلـت حمـول مشجعينـي وقامـت=حمولـهـا فالـشـوط مانوختـهـا
واليوم تركـض فـي دبـي المعـزة=تسنيعـهـا بـيـدي ومسايرتـهـا
يالله عليـك بكـل حـال اتـوكـل=يالله تجملـهـا وتنـصـر بختـهـا
أشوف فيهـا الفـوز قبـل البدايـة=ناموسهـا فـي عينهـا ووبرتـهـا
لو رقمـت بفليـت بالرقـم خمسـة=بتفـوز والأرقـام مـا وخرتـهـا
ترتيبهـا الخامـس قبـل الأنطلاقـة=شي طبيعـي مـا يزعـزع ثقتهـا
وإلى أنطلق شوط الحماسـة وقامـوا=تطمشـوا فـي ركضهـا وحركتهـا
منها الحمام يطير فـي كـل سيـده=حافظ عليها مـن عيـون حسدتهـا
بعض الحمـام تجيـه ممـداه يبعـد=كم من حمامة زاجـل قـد وطتهـا
إلى أدلجت تلحق ولا أحـداً لحقهـا=وإلى أربعت شفت الحطب من تحتها
ظلالهـا مـن سبقهـا مـا سبقهـا=حتى لو أن شمس العصيـر أقتفتهـا
الى أسمعت صوت الجهـاز يتبطـل=طارت تحسبن أنـه تعاليـم جتهـا
كم سيقت الهجـن الأصيلـة عليهـا=وكـم سابقـن مـن شفهـا عوفتهـا
آخـر ثمانميـة مـتـر تابعـوهـا=طارت غتـر جمهورهـا لربعتهـا
كم عومست خاطر وحاست مضمـر=وكـم عزبـة بركابهـا كنسلتـهـا
الأ هجن حمدان ما أدري صراحـة=هجنـي هجـن حمـدان ماسابقتهـا

لمحمد بن فطيس المري

تحياتي

تركي المري