قحطاني

[علي ابن نهايه]

هويته والهواء يهوى هواه اللي هواني به = وانا لولا هواه اللي هويته دام يهواني

على بحر الطويل اجر مواله واغنيـــبــــــــه = من حروف ٍ تمثلني ـ والالحان الحاني

هوى هاوي هواه اللي هويته به ايا طيبه = ماهو بلسان نمام ٍ ولا هو لسان خرصاني

لكني لا بغيت اجيب بيت الشعر بآجيبه = بعد ماغوص في بالغبه ـ تترجمني على شاني

حروفي في معانيها رصيد شيكه الهيبه = كفاني يوم اغني به = ركب بالراس شيطاني

يباريني على العليا واكده كد ماشيبـــه = على در ب السلامه ما تجرأ يعصي الساني

عساني لا مشيت ابقى على المرقاب واوميــبه = علم ربعي مجملهم بأسم يام ٍ وهمداني

لقيت بدربي العاصي قبيله دايم صعيـــبه = صعيبه للردي يشذب لها العرقوب بالعاني

رجال من بني قحطان تشوف الطيب في جيبه = يزفه للرفيق اللي يخاوي كل قحطاني

سلام الله سلام الله سلام عاوي ٍ ذيبــــه = على مرقابنا العالي مع مرقاب الاخواني

تجمعنا على العليا وكل ٍ صف ترتيبه = حروف الشعر تنصاني ولا قد جات تنصاني

ياكود بربعي الظفران سم الضد ومصيبه = وانا بإسمي بدى لساني وانا خابره بإحصاني