ياعلم رفرف ترى مامات جابر=حي بارواح تضمه في جسدها
ياعلم صيته على روس المنابر=من عرف سيرة ابو مبارك حمدها
رفعت الاقلام وارتفعت محابر=حي ذكره لو توسط في لحدها
ياعلم وش انت عن هالشيخ خابر=سولفه للي خفا علومك نشدها
جابر العثرات للعثرات جابر=وقفته تعرف ولايحصي عددها
رمز عزتنا وحنا به انكابر=مانست هالارض له سجده سجدها
مدته للطيب ماتشبر بشابر=انشد كفوف تغدت من رغدها
الأرامل واليتيم وكل عابر =والعجوز اللي تنكرها ولدها
والفقير اللي على اللوعات صابر=وكل منهو يشتكي ضيقة نكدها
والبلاد اللي عليها العوز ثابر=والشعوب اللي تشكي من لهدها
ويوم ضاق الشعب في كل المعابر=مد كفين العطا وكل شهدها
وراح يركض من ورا داره يثابر=لين رد الدار واوفي في وعدها
والكويت بعهد جابر بنت اكابر =شامخه والمجد تلعب به بيدها
مجدها لامع ماتعشق مجد غابر=سطر التاريخ بأسطورة بلدها
ياألاهي رحمتك للشيخ جابر=ياوسيع المغفره بيدك مددها
ياعظيم الشان عفوك في المقابر=يوم ضمت جابر الخير بلحدها
16-01-2009, 09:55 AM
العرض الشجري