لاضاق دربٍ فيك وشلك بممشاه=جنّب طريقه والفيافي عريضه
دربٍ يوريك المذله بلياه=شمس الخيار ولاظلال الفريضه
الحر ليا من ابرق الريش وازاه=عاف الديار وعاف عشّه وبيضه
والناس كلٍ ينجبه نوع مجناه=مثل الشجر لامن تجدد باريضه
احدٍ ليا ضاقت محايلك تلقاه=حبل النجاة اللي بتوته غليضه
اللي ليا حارت بك الرجل تنصاه=عزّك يعزّه وانكسارك يهيضه
واحدٍ بحزّات الرخا جاه واوجاه=وفي ساعة الشدّات ماتستعيضه
مثل الغدير اللي حفظ ماه بشتاه=واحرق وروده في لواهيب قيضه
واللي زعل من خاطره لاترضّاه=ليا صار ماسويت شيٍ يغيضه
والعفن لاتزعل على شان فرقاه=ترى العفن فرقاه ماهي غميضه
ومادام رزق العبد بيدين مولاه=وش حاجتك باهل النفوس المريضه
شاعرها لايحضرني
العرض الشجري