الشاعر جشن بن حسن العرجاني

[أبو رجا آل هادي]

يالله طليتك مزنة مستهلـــــه=وسميه من رايحات الهماليـــــل
عساه ينشي يوم جا وقت حلـــه=يمطر علينا والديش في المقائيـــل
نجران حده من جنوب لعلــــه=وشمال إلى تبوك سيل على سيـــل
لازل سبع شافه اللي فطن لـــه=والسبع الأخرى ذي وجيهه مقاييــل
مع مثلهن تلاحق العشب كلــــه=يشبع دبشنا في المدمث والمساييــل
ويازين خطوى فيضه مستطلـــه=فيها الزبيدي مثل روس المطافيــل
منزا لها يبري من الكبد علــــه=ويشطرون البيت من جرت السيــل
ياما حلى مبناه من عقب فلــــه=وحذف الشماغ وشب ضوا المعاميـل
في مجلس من جاه ما هو يملـــه=وما بينهم يازين سوف الفناجيـــل
ويا زين شوف الابل بقفر مظلــه=لاجا عليها مثل وصف الازاويـــل
كلا نده ذوده وذوده هدن لــــه=دوه لها الراعي وجنه جواديــــل
هدرت فحلها لا هدف عادتلـــه=ويظهر اللي عاد فيها من الحيـــل
لاجا العشاء ثور من الذود جلــه=زل الهجال وراح صوب المشاميــل
وملا القدر منها وجابه يشلــــه=ثم نزله بين الربوع المشاكيــــل
قلبي يحب الابل وكبدي مغلـــه=ودمعي على الابل فوق خدي هواشيل
والشاعر اللي ما للسانه يدلــــه=ما ودك انه يعترض لتماثيـــــل
وما قل دل وبذكر الله ارضى لــه=وعلى النبي صليت فرضي وتنافيـل