كم أحبّـك .. وكميّـة هـواك // مـن يحـاول يحددهـا غبـي !(سداح)

[فهد بن مطلق]

السلام عليكم ورحمه الله وبركاته


مصافحه قبل شهر الخير / ومبارك عليكم الشهر مقدما ً


صلوا على النبي
.
.
.
.
.
.
.

حيّ صوتك وحـيّ الله صـداك=كل ما فلّ سمعي .. حـلّ بـي
قادني لـك وفـضّ الإشتبـاك=وأنتهت بيـن نـارك وأحطبـي
ألتفت يمـيّ وعطنـي وهـاك=جعل فرقـاك تخسـى وتهبـي
لو تلولب كلامك مـن شفـاك=أقتنـع بالكـلام اللولـبـي !
ياهوى البال يسعد لي مسـاك=أذكر الله وصـل علـى النبـي
يا عسى اللي حصل منيّ فـداك=وما حصل منك في سدّ أشنبـي
نوّخت من خطاي ومن خطـاك=وأبتدا العذر يبـرك ويحبـي !
كم أحبّـك .. وكميّـة هـواك=مـن يحـاول يحددهـا غبـي
تكبر ولا لهـا عنـدي سـواك=لو طرحت الضبي فوق الضبي !
أنت غالي وعالـي مستـواك=ياطموحـي وغايـة مطلـبـي
ما بدا غير نجمي فـي سمـاك=ولا مشا فـأرضك ألاّ موكبـي
متسيّـد لحالـي فـي حمـاك=عوشبي يا المحبّـه عوشبـي
وقلبي اللي تشيله فـي يـداك=جاك منيّ عطا .. مدري سبي ؟
مير سجلّـت صـكّ الإمتـلاك=بإسمك ورسمك وقل ما تبـي
أتفيّـا تحـت فـيّـة غــلاك=يا بعـد مـن تغطّـن بالعبـي
هكـذا الحـبّ لا بيّـح خفـاك=كلّ ما شيّـب يعـوّد صبـي !