إرفـــع الـــصــوت مــا تــســمع لــصــوتــك صـــدى << مــتــعــب الــتــركــي

[محمد العزام]

السلام عليكم هاذي قصيده اعجبتني من ديوان الشاعر متعب التركي و حبيت اشاركم فيها
و اتمنى اني اكون وصلت و لو بشي من ذائقتكم الراقيه

قبل اسافر وتنسى جيت اسلم عليك= جيت ابي عمري اللي اكتشفته غدى
ضاعت اجمل سنيني من عمايل يديك = اكذب ان قلت راحت لاجل عينك فدى
فرصة العمر قالوا لا غدت ما تجيك =جتني اكثر فرص عمري وضاعت سدى
جرب الخوف مره حس به يعتليك= وارفع الصوت ماتسمع لصوتك صدى
تدري اللي ذبحني قولتك ما ابيك =ما بقالي لثاري لو بغيته مدى
ما هقيت المشاعر كلها ترتجيك = قل لها بالمفارق منهو اللي بدى
هاك دمعة عيون(ن) باكيه تشتكيك = هاك ريح ضمير(ن) ما أستراح وهدى
ما تناظر عيوني زول هذي وذيك = ما يهز المسامع اسم ريم وهدى
قلت ما عادلي رغبة وشوفات فيك =قلت يا نفس طيبي يفرحون العدى
قلت عايف ونفسي بالخفا تشتهيك= عزة النفس تدري طيب ماهي ردى
خل عينك تهل دموعها وش عليك = انت خدك ورود ودمع عينك ندى

لــ الشاعر ( مــتــعــب الــتـــركــي )