والله اني والزمن خوة تعاسه لـ بن قريان

[الرازي]

مرحبا
اقدم لكم هذه القصيده للشاعر / حمد بن قريان

أملا أن تنال على رضاكم

لاتعذر بامتحانك والدراسه = والنتايج من رسوبن في رسوب
أنت قلبك مشغله موضة لباسه = كل تالي سبوع سواقك جنوب
للخبر والعلم ما جا بلاسه = من قريبن لك صدوقن يالكذوب
انت قلبك فيه غش وبه نحاسه = لو تتوب أم الكباير ما تتوب
من خذاه الزود عن عرفه وناسه = يكرهونه لوه من قبل محبوب
صح زينك بالبني يرجح مقاسه = وكل من شافك تحير بالدروب
وإنك من بيتن عريبن ساس ساسه = من عريبين المناسب يا لعوب
بس عذروبك سريع الإنتكاسه = متعتك في الكون تعذيب القلوب
وله ما في بيتكم راعي نجاسه = وانت ست ايام شين ويوم خوب
خف من الله وأسق ضميانك بكاسه = كاستن ما هيب من صنع الشعوب
والله إني والزمن خوة تعاسه = جد علي برضاك منته بمغصوب
كل عودن لا سقي لو به يباسه = دام عرقه حي ينعشه الهبوب

وسلامتكم