مصافحه اولى معكم...

[ااالعصيمي]

السلام عليكم ورحمة الله وبركاته


اليكم هذه الابيات عسى ان ترتقي لمستوى ذائقتكم..

وهي تحكي واقع مرير نشوفه هالايام في اغلب المنتديات..

يابيت مسروق يافكره ياقصيده بااكملها وخلوها على الله..
,
,
,
,

يالنّابغه سلّـم علـى كعـب وزهيـر=وانعى يابو الطيّـب تـراب البحتـري
ياعمـرو ابـن كلثـوم يومنّـك تغيـر=سـود الليالـي يـوم تسريهـا سـري
سلّم على الاعشى فـ(حي ابن النضير)=سلّم على حسّان وانصـى الاشعـري
لو تعلمـون اللـي بحاضرنـا يصيـر=صار القصيد بعصرنا غـضٍّ طـري
صار الشعر في وقتنـا حفنـة شعيـر=مابيـن مستشعـر وبيـن المفـتـري
ياسارقيـن الشعـر ماتلقـون خـيـر=شعرٍ تقولونـه مـن اصحابـه بـري
شعر الجزالـه عندنـا سيـفٍ شطيـر=شعـر البـداوه مايغنّيـه حـضـري
احدٍ مـن اصحابـه يخـمّ ويستعيـر=و احدٍ بـزود المـال يقـدر يشتـري
وانا نظمت الشعـر مـن راسٍ خبيـر=مارحت ادوّر في مكاتـب سمسـري
شعرٍ نظمته يوم انـا عمـري صغيـر=ماهمنـي قـول السفيـه المجـتـري
ان صار للأقلام في الدفتـر صريـر=هلّت مزون الشعر واعشـب دفتـري
يابنت ياللي ملبسـك مـاس وحريـر=شوفي قصيدي وارقصي واتمخطـري
قولي لهـم شاعـر ويتحـدّى((جرير))=ويموت اذا عانـق جديلـي منحـري
قولي وانا بكتـب لهـم انّـي جديـر=شاعـر وافكّـر واتخيّـر مصـدري
ان صار للشّعـار فـالساحـه هديـر=صبّـي عليهـم يالقصايـد وامطـري
يالنّابـغـه اكـتـب وردد يازهـيـر=(تبّت يدا شعـر السـروق المفتـري)

وسلامتكم