بسم الله الرحمن الرحيم
الله أكبر كل ماخترت في الدنيا صديق=مالقيت الاصديق يدور منفعه
أن نصيته حزت الضيق زاد الضيق ضيق=وأن نصاني سقت دمي على شان أنفعه
نشهد أن العز بالمال ماهو برفيق=في زمان(ن)راعي المال يشر بصبعه
يقلط المجلس وبو وجه وحجاج(ن)طليق=مجلسه بوابة البيت ولا المزرعه
راكب اللي جهزوله على الرحله فريق=بين كم لحضه ولحضه يحدد موقعه
أسود كن في جنوبه من المّعه حريق=وارد الألمان توه نزل من مصنعه
حجم(((600)))ميه ولا له زفير ولاشهيق=كنه يقرا الشرق الأوسط ولاحدن يسمعه
مابعد مر الحريضه ولا مر الشقيق=لاتعدى الخرج كنه ينزل مسمعه
يتجه من ديرة العز والمقصد بقيق=لا وصل لبقيق يعرف طريقه وسنعه
يتجه للي ليا جات عنه ماتضيق=دام له وجه(ن) عريض(ن) وقدر(ن) يرفعه
راس ماله طيب قلبه وحبه للرفيق=ومايهمه يخسر المال ولا يجمعه
أبن عمي وعرفه زين ون جت للحقيق= شاعرتاقف لشعره حروف المطبعه
ياعلي لامن طحنا الحصى يصبح دقيق=وأنت فاهم وسمع الهرج ياللي تسمعه
ياعلي والله بمثلي ومثلك ماتليق=نبتعد عن بعض وقلوبنا متجمعه
أدري الدنيا تفرق شقيق من شقيق=وأدري أن ضروف الايام دايم موجعه
ودري أن الوقت من طبّ بيده مايفيق=بس من هوعزله صاحب (ن)لايقطعه
ياعلي عن الرسايل عسى علمي وثيق=وطرح أحسن حلّ ولاضربه ولا جمعه
هات ماعندك ولا تحتمل ملا تطيق=وان عرفت القصد تلقى الحقيقه مقنعه
وسلام أختام والبحر تابوت الغريق=والوجيه البيض تظهر ومن دون أقنعه
علي البورعي
23-06-2008, 11:09 PM
العرض الشجري