يافكر ياللي ضاري بالخريمه
تعال قدم لي من الكيف فنجال
يافكر مالي بالخطا والشتيمه
لكن جرتني لها بعض الاشكال
لي هقوةٍ فيها وعندي عزيمه
كنت احسبنها فزعةٍ تبهج البال
بس المصيبه خالف السيل ديمه
اثر المظاهر غررتني والازوال
صحيح للحيه وقار ٍ وقيمه
في وجه من له مع هل الطيب منزال
علاقته مع دين ربه قويمه
ومصخر ٍ جهده على خير الاعمال
نهج الظمير وسيرته مستقيمه
ولاطب في قلبه من الكبر مثقال
كريم بخلاقه وكفه كريمه
للجار والعاني وللضيف هشال
متغينمٍ فعل المراجل غنيمه
ولاينثني من ميلة الوقت لامال
وان كشرت شهب الليالي صتيمه
وان صملت يصمل وياقف ويحتال
ولا اللحى ترا بعضها جريمه
جريمة ٍ لاجات في وجيه الانذال
كم واحد لحيته صوره وسيمه
لكنه يقصر عن طليقين الافعال
كبده على خطلان الايدي سقيمه
وبخل وضعافة نفس واعراض واهمال
رجال في حذف القفا والنميمه
ومجالس الجهال والقيل والقال
العزم ثاوي والروابع عديمه
جرف قصيرٍ كلما حِرك انهال
هذا انت ياوجه الفشل والهزيمه
واخذ الكلام المقرحاني وفي الحال
لاصار مافي الرجل غيره وشيمه
كلمة رجُل خسارة ٍ فيه تنقال
وانشهد انك عايشه في ظليمه
يالحيةٍ مانتي على وجه رجال
للشاعر الرائع
عبد الرحمن بن بديع الشهراني
22-06-2008, 04:24 PM
العرض الشجري