يسـري بنـا الليـل .. لانــادت مواجعـنـا
ويفـرح بـنـا الـهـم .. لامـاتـت امانيـنـا
اغـراب .. والـحـزن فالغـربـه يجمّعـنـا
اجـسـاد نمـشـي .. وتتبعـنـا خطـاويـنـا
كـان الأمـل فـي ظـلام الوقـت يزرعـنـا
ليـن الليالـي .. تـجـي بالـيـاس تجنيـنـا
كـنّـا نـعـلّـم جـــروح الـوقــت توجـعـنـا
والـحــزن .. كــنــا نـنـاديــه ويـنـاديـنـا
نكـتـب : طـريـق الـمـوادع مايرجـعـنـا
نـقــرأ : طـريــق الـمــوادع مايـوديـنـا
نبعـد عـن الهـم .. نلقـى الـهـم يتبعـنـا
مـن ويـن نبـعـد .. نـلاقـي همـنـا فيـنـا
كنّـا .. و هلحـيـن كـنّـا وش بتنفعـنـا ؟
نادى الرحيل .. وسرق دربه خطاوينـا
رحنا ورى الحب .. لين الحب ضيّعنـا
مدري نسينا الزمـن .. والا تناسينـا !!
اليـن عشنـا بــلا صــوره .. ولا معـنـا
ارواح .. تـشـبـه لـنــا ظـلـمـة ليـالـيـنـا
واليـوم .. ماعـاد بـاقـي شــي يجمعـنـا
الا الوجع , والضياع , وحزن ماضينا
عـلــى كــثــر ماحـلـمـنـا .. ماتـوقـعـنـا
ينسـى الـزمـن كـيـف كـنـا يــوم حبيـنـا
شكـراً لأحساسنـا الـلـي كــان يخدعـنـا
شـكـراً لـوقـتٍ خـذانـا .. قـبـل يعطـيـنـا
شـكـراً لعـمـرٍ تركـنـا .. قـبـل يسمـعـنـا
شكـراً لأيامنـا .. الـلـي جــت توصيـنـا
شـكـراً لأحلامـنـا الـلـي وقـفّــت مـعـنـا
شـكـراً لأحـزانـنـا .. شـكــراً لأغانـيـنـا
بـكـت لـنـا الارض يــوم انّــا تـوادعـنـا
لأن الارض احضـنـتـنـا يــــوم حـبـيـنـا
08-06-2008, 10:42 AM
العرض الشجري