مساء الخير للجميع طبعآ هذا قصيدة الشاعر منصور بن جعشه بعنوان ياذيب الخلا وهذا اهداء منى له وعسى يحوز على رضاه ورضاء الجميع ودمتم بكل خير
حفظ الهدف باسمـ
لا عاد يا ذيب الخلا تاقف على الضلع عوي=ماتدري ان الضلع في راسه ذيابن عاويـه
ماتدر انك لا عويت اسري على عواك سروي=وعيون خلق الله على هجعات ليلي ضاويه
لاكن انا ما سقت رجلي فالطريق الملتـوي=الارض اصلاً من سماها ماهـي متساويـه
ولا ادور فرق في حلم الضعيف مـن القـوي=لأن الضعوف احلامهم محصورتن في زاويه
ما كل من يارد على الجمه يصدر مرتـوي=ولاكل سيفن في قريش يقال سيف معاويـه
وما سطر التاريخ للأمجاد شاعر فوضـوي=ولا مر عصر الا وعاصر في زمانه راويـه
لأن الكلام الفوضوي يغوي عباد الله غـوي=غاوي معا غاوي وخاواله نفوسن غاويـه
دارت رحاتك واستدارت يا الزمان المنطوي=شهب الليالي كشرت لاكن وشهـي ناويـه
وقتن بلانـا وابتلانـا والصواديـف تهـوي=والنفس ماهي للزمـان المبتليهـا قاويـه
وشلون اكابر والحزن يكوي شراييني كوي=من جرح ابطأ في خفوقي عجز فيه مداويه
في ساعتن عين الخوي تلد في رزق الخـوي=لاكن تمرك يا الحسا ما عاشبـه حساويـه
والا ملوك الارض وملوك السما ماتستـوي=لاطاح من عيني ملك في طيحته متساويـه
ماكنه الا دمعـة الفرقـا علـى خـد بـدوي=ولا حزنه الا حزن هاوي فاقدن له هاويـه
وسلامتكم أخوكم/ ابو حمــّـد.
__________________
وقـــت من أوقاتـك للأوقات توقيت ... وسجل لنفسك فالمساجد تواجـد
وأبـشر بفـزعة حامي الدين والبيت... أذا هجــدك من الهواجـيس هـاجد
التعديل الأخير تم بواسطة فيصل بن حجرف ; 24-05-2008 الساعة 03:35 AM
20-05-2008, 08:25 PM
العرض الشجري