هذي سواة الدهر ..!!

[سعود الجوفان]

مخاطبة النفس

لقلوبكم

..

يا سعود وش شفت في دنياك غير العجب=ماكفّتك من فضول العين شوف العذاب

..

لو التمني يسر ماكان شفت التعب=تلقاني احسب لها باليوم مية حساب

..

كم دمعةٍ حدّرت ولا منعها الهدب=من حرقةٍ في صميم المبتلي والمصاب

..

من حدّه الجرف مالدّه هدير المصب=ولا ينفعه غير ربٍ للطلب مستجاب

..

واللي تعذر بعنقودٍ بغصن العنب=مايدري ان العزم يقهر قوي الصعاب

..

والناس ذي لا عجب ولا صيام برجب=ولا يملي عيونها ياكود كثر التراب

..

نصيحةٍ للذي من كاسها ماشرب=والنفس ذي مهرةٍ من قادها مايهاب

..

من واحدٍ جرب الدنيا وشاف العجب=يالله تغفر لمنهو مستخيرٍ وتاب

..

هذي سواة الدهر والسالم اللي هرب=يبشر بخيرٍ ليا من جاه يوم الحساب

..

وسلامتكم

أخيكم / سعود الجوفان