يامن جماله تعـدا هقـوة الهاقـي=خلي قصيدي على النفنـوف دراعـه(ضيدان بن قضعان)دره؟؟؟

[فهد بن مطلق]

السلام عليكم ورحمه الله وبركاته

رووووووووووووووعه من أبداعات الشــاعر (ضيدان بن قضعان)


(قديمه)


بين أيديكم



صلوا على النبي
.
.
.
.
.
.
.
.

حببتي والقلم يشره علـى أوراقـي=وأوراقي البيض للمشروه خضاعـه
خذت القلم والعيـون تخيـل براقـي=وأمطر قصيدي على صيفه ومرباعه
هلت سحايب قصيدي فايح أشواقـي=وأنبت جمالك قصيدي باّجمل أنواعه
يامن جماله تعـدا هقـوة الهاقـي=خلي قصيدي على النفنـوف دراعـه
وأقول للناس هـذي عـز ميثاقـي=اللي لها لين أموت السمع والطاعـه
الجادل اللي من أهل المستوى الراقي=رفيعـة الـذوق للمعلـوق مزاعـه
الله فرقها علـى زينـات الاخلاقـي=بيت الشرف بيتها وتعيش برباعـه
بنت الترف وأسم أبيها درعها الواقي=والخال شيخ يحوش الطيب بذراعـه
من ماكـر مالجابـه كـل نعاقـي=ماكر حرار تشوق العيـن طلاعـه
ريحانه في ظـلال وتحتهـا ساقـي=من دونها الموت والسلال وأتباعـه
خذت من أوصاف يوسف كل ما لاقي=زعيمة الحسـن مياسـه وجزاعـه
إن أقبلت قلت ماتت لوعـة افراقـي=وإن دبرت قلت عاش البين واوجاعه
وإن وقفت وقفن تلعـات الاعناقـي=وإن عرضت من لمحها دق باّصباعه
يخضع لها الراهب العاصي وينساقي=وقلوب الابطال منها شبـه مرتاعـه
حبيبتـي والغـلا ماعـاد ينطاقـي=شرواي ماتدركـه فزعـاة فزاعـه
أنتي مدار الفلـك وعيونـك أفاقـي=وأنا الذي عاش حبك باربع أرباعـه
لبيه...لبيـه يافـيـي ومشـراقـي=ياأغلا غلا في حياتي ياأثمن بضاعه
يالذ من فرحتي بك لحظـة عناقـي=قلب وهبته عيونك ترفض أرجاعـه
مدامني لك مليك وترفـض أعتاقـي=قلب يكسب الكنز عاش ومات ماباعه
حبيبتي والقلم يشرب مـن أعماقـي=عساي بينك وبين الشـر وأطماعـه
لا يابعد عمري اللـي راح والباقـي=ياجعل يومي قبل يومك لو بساعـه