اقتباس:
|
المشاركة الأصلية كتبت بواسطة غدير الموووت
قام الشيخ مناحي بن جرمان بن سعيدان يحدي على ظهر الخيل وآل عاطف يرددون معه يقول مناحي بن جرمان:
الله عطاني منوتي
غوج ٍيشعثر بالسبيب .
يا كليب وصّل هرجتي
لابو جهز يومك ربيب .
ورعه قزا من حربتي
وابوه من قبله صويب.
الله يقدّي حربتي
في ابو جهز وإلا شبيب .
" ابو جهز " الشيخ هذال بن فهيد شيخ الشيابين.
" شبيب " الشيخ شبيب بن حجنه شيخ النفعه.
وقاموا آل عاطف يرددون البيت الاخير وهم على ظهور الخيل :
الله يقدّي حربتي
في ابو جهز وإلا شبيب
تقبلوا في الختام مني فائق الاحترام.
|
فقال حبشان القحطاني ينشد عن الشيخ ذيب بن عبود شيخ آل مسعود من الجحادرالذي قتله الشيخ شبيب بن حجنة :
ابا انشد الطرقي عن الحيـان=وابا تنشد ويش سوى ذيـب
ان كان هو ميت فانا الوجعان=وان كان هو طيب فانا باطيب
ان كان ذيب لحق بن جرمان=تقمـح مشعثـرة السبـيـب
فرد عليه احد شعار عتيبه :
خله يذوق الموت يا حبشان=اخذ جزاه بنطحتـه شبيـب
صابه بشلفا جات من نجران=تفرق حبيب عـن حبيـب
ويقول الفارس نوار الفليت النفيعي
ياطـارش منـا سنـود=اسلم وسلم لي على هـذال
قل له ترانا عقبكم في زود=كل المعاني سدها رجـال
بنحورنا عينت ابن عبود=راحت جواده مالها خيال
وكان احد فرسان قبيله قحطان يحدا على فرسه و يقول :
ياغوج يشعثر بالسبيب=تزهى الحـذا قوايمـه
ابيه يلحقنـي شبيـب=دام الحرايـب قايمـه
فرد عليه هذال بن فهيد محذره من شبيب :
يا راعي الغوج الهليب=طول الخضار تزايمه
حاذور من شلفا شبيب=تشبع طيـور حايمـه
وكروش تغذا بالحليب=على الطراد مهايمـه
ومن المعروف ان شبيب صاحب مرابط خيل مشهوره منها الربد وكروش
21-04-2008, 04:02 AM
العرض الشجري