قصيده رائعــه
للمبـدع / عطالله فرحان
أخطت وجت متندمه في ثواني=وجابت عذر ماكل بنتن تجيبه
قالت كلام احلى كلام ومعاني=ماني قريبه بس منك قريبه
ياقلب سامحها ترى العمر فاني=القلب دايم طيبته ماتعيبه
عشان دمعتها الحزينه عشاني=حاول ولو فوق المصيبه مصيبه
مو انت بيت الحب بيت الاماني=هذي من أهل البيت ماهي غريبه
نسيت وقفتها يوم انك تعاني=عليها طيبت قلب عن ألف طيبه
انشد عيوني كان غشك لساني=عن زينها يومه نهبني نهيبه
لوكنت سامع صوتها اللي دعاني= والله لترضى طيب ولا غصيبه
هي مخطيه بس انت صاير اناني=حتى معي صارت امورك عجيبه
اجي مكانك لا تعال بمكاني ...!!!!=او عاد تدري كل منه ونصيبه
انت اغلى منها بس ربي بلاني=هذيك مهما كان تبقى حبيبه
اتمنى انها تعجبكم 
09-03-2008, 04:56 AM
العرض الشجري