متعــــومس . . وســــدر

[سعد بن سريّع]

للتــــواصــــــل والـــــــود
قصيــــده قديــــمه وحبيـــت انشرها

/
/
/
/

رعى الله دمع ٍ لا شكا القلب ما حدر = مع (درب) لاضاقت صدور العرب يسريه
سرا في عيون النـــاس وفمحجري ندر = حلف دون خدي ما يمرّه ولا يسقيه
قدرت اكتم الضيقه وهو عالجفا ..قدر = لو ان الهموم فخاطري فالمسا تدعيه
مع الصبر يا قلبي تقوا على الكدر = وانا طالب سدي على الناس لا تبديه
صحيح انني ضايق . . ومتعومــس .. وسدر = ولكن بضحك لاول الوقت ولتاليه
مدام الدعاوي كلها لعبت القدر = علام العرب لامن قضى دمعها تشريه
انا في حجا المعبود من ( موتة الصدر ) = ليا مات ما ضني مزون الغلا " تحييــه "
يا ليلي ما اقول انك : تولجتني غدر = ولكن اقول انك : سنا الوصل ما ترجيه
اراعي النجوم وعيني تقول : يا بــــدر = لك احباب تنشد عن حضورك وش ابطى فيه
ماهو قلب حبه وامنيـــاته مضت هدر = على واحد ٍ يوم الموادع نســــى يبكيــــه

وســــوالــمــ ,,,