سر ياقلم مالي على الصبر طاقه ....صبر(ن) تعدا الحد ماعاد ينطاق

[نسل الطويل]

السلام عليكم


قصيده تعتبر تحفه وراائعه من رواائع الشعر

وقااالو انها لبندر بن سرور
وقالو انها لعيد مربح الرشيدي << مانيب متاكد من اسمه بس الاكيد انه رشيدي

على العموم اترككم مع القصيده



سر ياقلم مالي على الصبر طاقه ....
..... صبر(ن) تعدا الحد ماعاد ينطاق

اكتب لمثلي قصته وأشتياقه ....
.... في خطك الواضح على بيض الأوراق

قصة حزينن صافي المر ذاقه....
.... اليا ذكر ماصارله خاطره ظاق

ظاقوبه الأصحاب والوقت باقه ....
.... وصار الضحيه بين بايق وبواق

يمشي وهو ماحس في كسر ساقه ...
.... امساء على ساقين واصبح على ساق

وهذي سوات الوقت شين الصفاقه ...
.... الوقت لــــو يصفيلك ايـام درااق

ان شان قطع عنك كل العلاقه ....
.... وان زان خلالك مع الناس عشااق

ومن شان عنه الوقت وقلوا رفاقه ...
...... راحــت حياته كلها هم واذلاق

والله خلق خلق(ن) تحب الباقه ...
....كما خلقله خلق(ن) ماعندها اخلاق

احد(ن) يعيش بخير وحد(ن) بفاقه ...
.... وحد(ن) يعوق ايام وأيام ينعاق

وحد(ن) معه حكمه وصبر ورواقه .....
.......سبحان منهو للمخاليق خـــلاق

لاكن يامن معك صبر ووثاقه .....
....ابنشدك كانك للأمثال تـشتاق

من رغب في فرقاك ارغب فراقه .....
....... جـــاز الي يجيزك فراق بفرااق

وتعلم التعشيق قبل السواقه .....
..... لاتحسبنك بالدركسون سواق

ورزقك يجيك من دون تحضر بطاقه ...
.......وعند الله المعبود تقسيم الأرزاق

يقولها الي جاير الوقت عاقه ...
... ولازال في غيبوبت الهم مافاق

من انعزاقه بادي(ن) بأنعزاقه ...
...والي يوده صار شوفه بالأشفاق

ولا قال هذا القول قصته فصاقه ....
.... ماقال هذا غير من نار الأشواق


وسلاامتكم


تقبلو