السلام عليكم ..
اخواني واخواتي حبيت اشارك معكم في هذي القصيده وانشاله تعجبكم
يوم اسألتني قالت من انت ومنيـن=دار الـحـديـث وطال معهـا نقاشـي
ونـاظـرت فـيـهـا نظرة العين للعيـن =واخفيت عنها حيرتي واندهاشـي
طفله بـعـد مـاتمت عشـرة سْنيـن =منـطـوقـهـا يروي الكبود العطاشـي
في وجهها بـدرٍ جمع ورد مع تيـن=منور حـلاها ولا غشـاها الـغـباشي
والشعر لـيـل ٍ لافترق صـــار ليليـن =مسترسل ٍ مـابـان فيـه انكماشـي
والعين عين اللي كفخ بـــالجناحيـن= عين اشقر ٍ ماطاوع لكف لاشـي
قـلـت اسمعيني يــاورود الرياحيـن=أنــا غريب ولاظلم الليـل مـــاشـي
أنــا بـدوي يـعـشـق الـبلّ والضيـن=وبماكر هل الـعـز بـاسـط فراشـي
أسـوق ركبي مع رجــــال ٍ وفييـن =وانا لربعي مثـل فـي الـغـواشـي
في لازمي يـا بنت مــا قلـت بعديـن 000= و بلازمـي يـابنـت يـا قـوّ جاشـي
مـاني خوي اللي عن الحق غـاوين = أهل الخنا واهل الـعـلوم الهشاشـي
وان عذربوا فيني من القل والشين = مــاجـيـت اساير كـل نـمّـام واشـي
الفقر مــــاعذرب رجــالٍ عزيزيـن= لــو يسكنون خيــام والا عشاشـي
والمال مـــايرفـع نفـوس الردييـن = لـو مـالـهـم يمـلا كـبـار الخياشـي
قالت وفيت ! وقلت ابسألك ذلحيـن =منهم خوالك ؟ والا اقلك .. بـلاشي
قــالـت بـقـول مثـمـن العلـم تثميـن =خـالـي فــلان وعجلـت بــأرتباشي
قـلـت اكتفيـت وعقـبـهـا لا تقوليـن =على عيوني مثل حـوم الـفـراشـي
واقفيت مثل اللي غلط بــالعناويـن =يبغـى يكحلهـا وصـابــه طـمـاشـي
واللي تبيّن لـي ولا أحـتـاج تبييـن =شي قـديـم وكـنـت عـنـه متحاشي
البنت هذي واضمن الـعـلم تضمين =بنت الهنوف اللي بها الفكر طاشي
الـلـي أشـبهـهـا بــورد الـبـساتيـن =من عطرهـا الباهي يزيد أنتعاشي
واللي خطاويها على العرف والـدين =واللي طرفها بــالغـدر مــا يناشـي
واللي غلاها ســاكـن ٍ بين ضلعيـن =واللي بـطاريـهــا يزيـد ارتـعاشـي
عنهـا حـدونـي جـامـعـيـن الملاييـن =وانا خذلني فـي هواهـا معاشـي
قفّوا بها عني ضحى يــوم الاثنيـن =وانا دموعي مثل وبـل الرشاشـي
وحسبي على اللي فرقوا بين قلبين =حتى غشا قلبي من الهـم غاشـي
(( محمد القثامي ))
وسلامتكم ...
تحياتي للجميع ...
21-09-2004, 01:21 AM
العرض الشجري