السلام عليكم
اليوم جايبلكم قصيده
لــشاعر مبدع يعجبني اسلوبه 
واترككم مع القصيده
هيّن على الصوت يالورقا جذبك الحمام = وامسى نديمك على الضيقه وتنهيدها
ايتكه الوجد والطاري وجنح الظلام = افخت معاشير صدره عن مفاريدها
والشوق يقرا عليه من الجروح السلام = واحيت مصادير..جرتها.. مواريدها
وانتي يبالفيت من زود النقا ياسلام = اخليتي الارض والديره لاجاويدها
ارخصتي الملح والعشره واخذك الهيام = وانااحسب ان الصداقه صعب تبديدها
علمي برفة جناحك يوم جاد الغمام = من موق عيني وضمتني عناقيدها
مجروح وان صادف المجروح قل اهتمام= اما تزيده عنا والا انه يزيدها
والجادل اللي تغلى فوق ريش النعام = وانا اتمرجح على طاري مواعيدها
فالبال عندي لها كلمة عليها الكلام = وان جيت ابا اقولها كبرت مناقيدها
والرجل يدرى من الشرهه ويخشى الملام = والناس مايامن المشتاق من كيدها
واظنها لو درت عني علي الحرام = لـ تضيق حتى على السلسال في جيدها
اي والله اموت في ظل الهدب والقوام =واموت في جمرها واموت في غيدها
والصاحب اللي مقامه في عيوني مقام = يقول لي هرجة ٍ مليت ترديدها
ليا جرحك الزمن والا خذلك الغرام = الاوله عدّها والثانيه عيدها
ويقول هذا الكلام اللي عليه الكلام = واقول مال القلوب الا مقاصيدها!
عناد النفيعي
27-10-2007, 06:56 AM
العرض الشجري