بدون مقدمات
اليكم اهداء الى قلوبكم
صار ضد الوقت وقت وصار ضد القيد قيد= والضوامي صدّرت والموت بعيون الوّعد
والهبوب اللي تصافق بالضماير من جديد= والضنون وما يزف الضّيم لو حظّك قعد
والهوى اللي قيّد الرجّال قيدٍ من حديد= ماحدٍ يصبرعلى ظلمه وصابر يافهد
والسواني حدّت الجمّال جلاّد العبيد=وتعسف الخيّال مهره ما عسفها في كَبَد
وتشتكي منه الورود وتشتهي صبحٍ عنيد= طال مشواره وربعه لا حشا مهنا سَنَد
زف له احلى حروفٍ زفّته في يوم عيد= صك بيبانه وشرّع بالسّما صورة ولد
للهوى قلبه عنيد وللوفا علمه اكيد= شق له رحله هدفها لقمه بفم ألأسد
حسبي الله كان فعلي ما نفعني بالبعيد= اشهد انّي رحت فيها ...صدق ماحولي احد
وأشهد انّي في مدى الايام لي يومٍ وعيد= يحتريني يعتريني ...لاحشا مهنا صدد
يالله انّي في وزى رحمتك يا اكرم مجيد= فك لي حبلٍ عقدته كل ما حل انعقد
قرّبت ليّام لجلي في هدف حبل الوريد= شفتها توّي تهدّم مابقا منها عمد
ليت لي حملٍ وأشيله...ليت لي قلبٍ بليد= ليت مالي من ذنوبي كثر مالي من عدد
وليت ما للرجل زله وليت ما للهّم بيد= وليت مالك يالطريق اوجاع مافيها سعد
كنّ جمري في يديني ماتحملها اكيد= وكنّ في داخل فؤادي ينغرس أقوى وتد
صفحة الايام بيضا مالها سيفٍ جريد= من تولاّها فهقها راح خلاها...شرد
يوم صار الوقت قيدي..قيد فكّيته بقيد= والضوامي صدّرت للموت بعيون الوّعد
وسلامتكم
العرض الشجري