ماليزيا ما تستاهل العنوه !!

[كايف]

حياك الله فهد


يا أخي الله يهديك بس ... أقول تيس تقول أحلبوه !

كل الكلامي السابق ما كتبت فيه حرف واحد عن الطبيعة وأنت كل صورك عن الطبيعة والبحر ... طبيعية ماليزيا جميله بس خلك من وراى الدريشه لأنك ما تقدر تقربها من الحر والرطوبه ، يعني باختصار تفرج وانت في الغرفه أحسن .

انا كلامي كله عن الصنادق الملحطه اللي خذت أكبر من حجمها وخاصة في بننانج واللي والله العظيم إن ما فيها أي لمسة فخامة أو حتى نظافة ... وكل مطعم فيها يبي له وزارة للصحة خاصة فيه .

بالنسبة لـــ الصندقه اللي سكنت فيها في بننانج القذره فهي صندقة هوليدي أن ،،، والظاهر أنهم سارقين الأسم من فندق هوليدي أن الأصلي ويحطون اللوحة على الفندق الليل ويخشونها في النهار ... المشكله إن هالصندقه تعتبر أفضل الصنادق الموجودة عندهم في بيننانج !!!

الصندقه هذي يا فهد خذيت فيها غرفه ، عارف وش لقيت أول ما دخلتها ؟!!!! لقيت فيها (وزغ) على الجدار عارف وش معنى وزغ يعني بلهجتنا العامية (ضعراط) !!!! يعني قذاره ما بعدها قذاره يعني قرف في قرف ... ولا أبغى أقول أوطى من كذا !!!

بالله عليك يا فهد هذي صندقه ولا فندق ؟!!!!
هذي ديره تستحق أحد يجيها ؟!!


وبعدين يا ليت إذا فيه صور جديده ما تكون عن الطبيعة والبحر والخضار ... عطنا صور عن الصنادق قصدي الفنادق زي ما تسميها انت واللي تتحدى فيها العالم !! ... لأن البحر شي مو غريب موجود حتى في بنغلاديش !!



كايف