يوميات حسين وسالم:)

[موج الأحزان]

السلام عليكم..
راح أسرد لكم هالقصه العجيبه اللي حصلت مع ألقف وأغبى أثنين
موجودين واحد إسمه حسين ومعه خوي اللي ألقف منه وإسمه سالم..

وهاذي يوميات حسين وسالم

مادري شلون طرت في بالي وتراها من خيالي بس أتمنى تعجبكم..

الحلقةالأولى..
حسين وسالم طالعين بالسياره ومرو بشارع وسط منطقتهم وطبعاً
حسين موظف بالشؤون وسالم موظف بالصحه!
والمثقف فيهم والفلته هو حسين لأن معاه أولى ثانوي
بس سالم مامعه ألا ثاني متوسط
المهم إن الشارع اللي مروه صاير فيه جريمة وهي قتل خدامه
ولاأحد عرف القاتل لأنه إنحاش يعني هرب!
طبعا" وقفو بسيارتهم لماشافو الزحمه والعالم والشرطه!
ونزلو من السياره وطبعا" هذا كله من صادق الفضول اللي فيهم مالت عليهم
المهم حسين يعني كلش اللي يشوفه يقول شارلك هومز ولا مفتش وحيد
قال حق خويه سالم القضية هاذي مايحلها ألا أنا!
وبعدها رد عليه سالم قال قدها وقدود يابوعلي!
والله إنهم رايحين فيها يعني واحد بالشؤون وواحد بالصحه ويبون يحلون قضية جريمه!
قال حسين لخويه له خلنا نمسك المشكله من أولها عشان نحل القضيه
قال المجرم مادخل للبيت ألا بهدف السرقه!
(بس لما شاف البيت لقى إنه يسد النفس ولايشجع على إن الحرامي يضيع
نفسه على بيت خرابه وقال أكيد إن الحرامي على علاقة حب)
........................
ماحبيت أطول عليكم بالكلام عشان ماتملون وبعد عشان تتلهفون على باقي القصه
وأنتظروا الحلقه الثانية