مدغم

[فلاح ال مخلص]

ياصاحـبـي لاتباطيـتـك وقـلـبـي حـزيــن
رحت أنشـد الدالهيـن اللـي ( عليهـم تمـر ) !!
يامعشـر اللـي علـى ضـو القمـر ساهـريـن
مامرّكـم عـود مـوزٍ فــي عـلـوّه ثـمـر ؟!
الحب مثل ( العبـاده ) .. و ( أنفـس المؤمنيـن )
أشرّهـا مانـفـر .. وآخيـرهـا مــا أستـمـر
ياليـت روحـي علـى روحـك تـذوب وتلـيـن
وأنـا اتكـوّن سحابـه وأنهمـر .. وأنهـمـر !!
نظـراتـك يعلمـنّـي ضـحـكـة العاشـقـيـن
والا يكـتّـنّ فــي راحــة كفـوفـي جـمـر
بقـى مـن اللـي خذيتـه قلـب بيـن أصبعيـن
وأن قلت : هاته .. ( من عيونـي وتامـر امـر )
وأن قلت لي : موقعي من عالـم الحسـن ويـن ؟
بعـد الثلاثيـن كــان الله عطـانـي عـمـر ؟!
اقـول : مزيـون وأشباهـك ماهـيـب أربعـيـن
أشباهك أثنين يا أمّـا ( شمـس ) والا ( قمـر ) !!
يكفي أنّـك أوّل ظبْـي ياخـذ مـن الصقـر عيـن
ومــن الـذلـول العمانـيّـه هـيـام وضـمـر
( معنّقـك ) شبـر فــوق متـونـك وقفلتـيـن
و ( يديك ) منجم ذهب .. و ( شفاك ) حانة خمر .!!
مدري وش اللـي خـذا الله منْـك وأعطـاك زيـن
ما لا عطـا فارعـات الطـول بيـض وسمـر !!
ماشفت ( هالوردتيـن ) وشفـت ( هالجمرتيـن )
لهـن ثلاثـيـن عــام ولايـزالـنّ حـمـر ..!!
للشاعر/مدغم ابو شيبه