قصيدة الشاعر/ سليمان بن بلال اليامي في محمد بن عبدالله الشنيفي السهلي .

[فاعل الطيب]

سلامي ماهما وبل الحيا وخضر يباس القاع= رعوده و البروق تشوق عين اللي يخيلها
سلام اتنصا به راع الجوده طويل الباع= ابو عبدالله اللي يكسب العليا ويفعلها
نديم صحبته طول الدهر تشرى ولا تنباع= صديق سمعته ربعه وصدقانه تجملها
حصيل اللا به اللي صيتهم بين القبايل شاع= سهول يشهد التاريخ لتلاها ولولها
زحازيح الرجال أهل الظفر والعرف والمفزاع= إلى هالحين فزعتهم لصيلة ماننزلها
دعوهم يام لمقابل زعيم طايش ماطاع= حكم حكمٍ عوج وغوايته عيا يعدلها
بطش وأغتر واختار التفاهم معركه وصراع= تجاهل قدر شيخان القبايل لين زعلها
نسى اللي كل ماضاق الكضم ياتي لهم مطلاع= هل الحوطين والثالث بحر محد تجاهلها
دعو يام الدواسر والسهول ومن مطير أسباع= على تحطيم دولة جا ير مازال باطلها
زهم فيهم جريس والحبيشي ضلع ماينزاع= لكن كانت جيوش الخالدي صعب مقابلها
واللأستنجاد والفزعات بين الناس ذاك الساع= تداوله القبايل والشيوخ اللي تمثلها
وحلو في حماه بكل ليث فارس قطاع= مقابيس الحرايب كل ماشبت شعايلها
بدو ا حرب شديد ماحصل له فالحروب أنواع= يعد من الحروب الساحقه ويقاس بطولها
وعن السلطه تنحى مابقى له في الحياه أطماع= أسير وقوته بيدت من اعلاها إلى أسفلها
على ها لحال بادية الجزيره واصلو الاوضاع= صباح وليل مقبلةٍ مقفيةٍ رحايلها
زمن فتنه وجهل ومن غزا مايضمن المرجاع= إلين الفيصلي عبد العزيز أطفى مشاكلها
حقايق يالشنيفي والحقايق نورها ماضاع= ومادام أن المجالس بالا مانه ما نهملها
نقول الصدق لانجحف ولانجحد ولانرتاع= وغير أهل الجمايل والفعايل مانعاملها
بعدها يامحمد جاء لجزل الشعر فيك ابداع= مديح والمدايح فيك تاجد مايوهلها
كريم وصلب راس صيرمي عارف بتاع= أديب شاعرٍ والشرح كلماته تحللها
مجرب والتجارب تعتبر في غاية الاقناع= ولا تعطى ولاترجى الجزيله كود من اهلها
وليا جار الزمان و لاتهيا لك بعض لسناع= تخير لك صديق من كبار القوم واجزلها
ولاتارد على كدر المشارب والفجوج اوساع= مثل ماعدت أصحاب التجارب في مثايلها
هذا وقبل تحياتي عدد ماهب من ذعذاع= بريح المسك وبخالص تحياتي تقبلها

تمت القصيدة مع تحيات أخوكم الشاعر /سليمان بن مسفر بن بلال اليامي.