اشتقتلك

[سراااااااااااااااب]

اشتقت لك والقلب تـوه مودعـك *** لحظة غيابك أشعلـت فينـي الشـوق

بلحظة وداعك كنت تخفي مدامعـك *** عني ودمعك تفضحـه لمعـة المـوق

وتقول بكيّتك وأنـا كنـت أدلعـك *** أيام تمضـي والهنـا معـك ملحـوق

يا غايتي والدمع ينزل وأنا معـك *** بساعة صفا ما كدر الصفـو مخلـوق

لا من تذكرت السفر قمت أطالعـك *** ودمعي يسيل ويرسم بخـدي حـروق

كيف يتحمـل خافـق دوم يتبعـك *** لا غبت كنه خارج الصـدر مسـروق

لو كنت أقدر كان بيدينـي أمنعـك *** وآخذ عليـك العهـد ثابـت وموثـوق

عشت الهوى والحب باجمل مرابعك *** حب زرعتـه أثمـر نخيلـه عـذوق

وأسقيتني حبك من أعذب منابعـك *** يا خير من يمشي على الأرض معشوق

تسمو بأخلاق الرجولـة وترفعـك *** عن الدنيـا روعـة الخلـق والـذوق

يأسر كلامك لب عقلي وأنا اسمعك *** والحكي عندك لـه مفاهيـم وحقـوق

آخر لقا كانت همومك تصارعـك *** ذاك المسـا والجـو أمطـار وبـروق

تضحك ولكن زفرة الهـم تمنعـك *** وتصد عني وجهـك تناظـر شـروق

يوم السفر هلت دموعي وأنا معك *** دمعة عيـون خلفـت فينـي حـروق

قلب حرقه الشوق لحظة موادعـك *** واشعل غيابك داخلـه لاهـب الشـوق