اللي يحب النبي(يضرب)فيني.. باحد المقرات الانتخابيه

[انتحار]

"المكان"
خيمه افراح ..كان معرس فيها واحد من الربع الشهر اللي طاف ...حاليا نفس الحكايه عرس جديد لكن بشكل ثاني ..

عرس ديموقراطي "على قولتهم"..

طاوله عريضه متر بمتر"وصف سياره بفلم مصري" ..وعليها وروود!! و..مرشح

وحشد هائل من البشر ..وسماعات وميكرفونات "..شاء "البَخت" اني اقعد قدام الطاوله مباشره ..

"المشهد"
قام المرشح ومسك "المايك" وقام يتنحنح..وربك ستر كان بينسى نفسه ويقط موال!!

المهم بدا الكلام بالسلام والشكر والعرفان ..

فجأه بلا مقدمات ..قام يرتعد ويصاااارخ.."شفيه"؟؟ سالت صديقي الجالس "حذاي" ..قال "علبني معارض" !

بيني وبين نفسي ..قلت "بلاكت" يمكن صادق! نسمع ونشوف...

بنص الكلام قال المرشح ان الحكومه متخبطه والرؤيا عندهاا غايبه!
قلت له "وانا قاعد متربع" قدامه.

-شنهي الرؤيا الغائبه؟؟
خزني كانه مصدوم ..وشطفني وقام يرتعد من جديد
-ساحاااسب ثلاااثي الفسااد بالدوله
-قلت له: من هم ثلاثي الفساد؟
نفس النظره بس هالمره ..بتعقيد الحواجب ...وشطفني
واستمر "بالارتجاج"
-ساعمل على تطويير التعليم بالكويت وسنكون في مصاااف الدول المتقدمه
-انا: شلووون!!
"شطفني"
-الصحه وماااادرااك مالصحه ..خدماات تعيسه .. ستتطور الصحه ...والبنيه التحيه"شكو"!
-انا: "ابتسامه" شلون!
مايحتاج اقولكم .."شطفني"
-الماااء وانقطاعه الماء عصب الحياااه ..شلون يقطعونه؟؟
-انا: "كنت اتثاوب" شنو معنى عصب الحياه..فسر لي!
مسك المكرفووون وقام فوق الطاوله.. "بيني وبين نفسي قلت راح يفر البتاع..يسوونها مرشحين هالايام"

واشر علي وقال

هذااااا عمييييل هذااا مخررررب يبي يشوه صوووورتي (حيلكم فيه)
................
ستووووووووووووووووووووب

فكره تخيلتها لما كنت باحد المقرات الانتخابيه "بدعوه من صديق" صارت توجيب السالفه احضر مقري احضر مقرك..


سؤال لكل مرشح

فيه مجال مناظره بينك وبين ناخبيك
؟؟